【等買出光100 EG6】Kyosho「前驅」MINI-Z又一大茶飯

Photos: Kyosho Japan日本京商（Kyosho）推出1:27 MINI-Z遙控車有18年，有時我覺得仲玩緊嘅fans，好大可能係以下其中一類。第一類，真心鍾意呢個系列，而且成日有放車，唔係齋擺第二類，曾經好熱衷，但愈來愈忙，好少放車喇，有都係擺一、兩部喺屋企或office，間中兜幾個圈。MINI-Z細細部，投資唔算好大，間中有啲特別車款，係幾吸引嘅繼2010年追加後驅（RWD）MR03底盤後，Kyosho日前喺第57屆日本模型展，發表MINI-Z歷來第一款前驅底盤。 京商話，MINI-Z前驅底盤建基於MR03，以MR03底盤嘅基板作逆向佈局，同埋可以流用MA-010同MA-020零件，目的當然係減省開發新零件，增加車迷入巿意欲。日系遙控車，過往都有前驅型號，但始終唔及後驅或四驅咁普及，有玩家認為，前驅遙控車嘅成熟程度，始終「差一皮」。Kyosho公布喺12月推出兩款前驅MINI-Z車型，包括Mazda Demio（即Mazda2）及Toyota Prius。論矚目程度，始終差啲啲。喂！不如推出EF/EG年代嘅Civic賽車吖，EF8 CR-X都幾好喎，仲有Accord呢，日本大把前驅車經典啦，Kyosho咁醒目，唔會睇唔通嘅。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁