唔識就OUT！寵物小精靈必知十件事「Pokémon！日夜鍛鍊去取勝！」..

:0:1

sponsored 「Pokémon！日夜鍛鍊去取勝！」寵物小精靈陪伴全球無數小朋友成長，受歡迎程度實在無須多講，而全球熱爆手機遊戲「Pokémon Go」日前終於登陸香港！無論大街小巷定Office，人人都拎住手機化身小精靈訓練員，外國有人玩到衝出馬路有人衝入警署，情況近乎瘋狂！但相信有唔少朋友都唔明白，點解咁多人都為呢啲小精靈著曬迷？所以《新地網》依家就為你介紹有關Pokémon的十件事，可能你睇完都想玩埋一份！(1) Pokémon爸爸係邊個？

sponsored

最常見的精靈球就係紅白兩色嗰款，不過其實遊戲當中出現過極多種類的精靈球，唔同種類有唔同功能，用於捕捉唔同精靈。(5)比卡超唔係第一隻寵物小精靈？

sponsored 大家都知道Pokémon係先由遊戲後有動畫，所以其實比卡超並唔係第一隻小精靈，佢只係1997年推出動畫後先成為主角。由官方的小精靈圖鑑可見，編號001的其實是奇異種子，而比卡超則是025。不過如今看來，當年動畫製作人員選比卡超為主角，絕對係獨具慧眼！

sponsored 咁即係奇異種子就係第一隻小精靈？非也！由《Capsule Monsters》(Pokémon前身)的概念圖片中可見，首隻寵物好可能係鐵甲暴龍！(6)小智點解會揀比卡超？

每一個初出道的小精靈訓練員，都可以去大木博士研究所獲得一隻小精靈，然後踏上修行之旅。點知小智喺呢個重要的日子瞓過龍，大家都好熟悉的小火龍、車厘龜及奇異種子已經俾人揀走，所以只剩低比卡超。

比卡超雖然可愛但性情古怪，內向又唔親近人類，所以一開始完全唔聽小智話，係咁電到佢飛起不特止，仲唔肯好似其他小精靈咁進入精靈球。不過小智並冇因此討厭比卡超，甚至決定放下主人的身份，與比卡超好似朋友咁樣平等相處。之後佢哋一齊經歷不少風雨，成為最密不可分的拍檔。(7)比卡超點解唔會進化？

話說喺動畫第一季入面，講到小智去到其中一個道館挑戰館主，而該館主的王牌正正就係比卡超的進化版 – 雷超。結果比卡超慘敗後受傷，場主就送咗雷之石俾小智，希望佢令比卡超進化後再來挑戰。

此時小智心中猶豫，於是將進化與否的決定權交由比卡超自己決定，而比卡超係拒絕了！因為佢認為自己就算唔進化都一樣可以打贏雷超，果然係有骨氣！

而另一個原因係，寵物小精靈進化後，性情或多或少都會有改變。例如本來好溫馴的小火龍，進化至噴火龍後就會變霸道任性，好似忘記咗小智咁；又或者本來傻更更的傻鴨，進化至高超鴨後就變得冷酷無情。所以比卡超唔願意進化，佢希望永遠記得與小智的點點滴滴，以現時的狀態與小智一同成長！

後來仲出現比卡超的未進化版小精靈，叫做「比超」，勁可愛！(8) 寵物小精靈其實食得？

喺寵物小精靈的世界，生物就只有人類同小精靈，咁佢哋啲食物到底從何來？嗰個世界啲人應該唔會全部都食素啩？事實上從動畫唔少方面都可以估計得到，小精靈其實係可以食用的！不過考慮到道德層面，動畫中都甚少明顯地提及。例如小智與小剛就曾經幻想將鯉魚王做刺身，遊戲中亦有以小呆獸的尾巴作為食物。

「多蔥鴨」幾乎瀕臨絕種，原來係因為被兵類大量捕食……

嬌小的綠毛蟲係唔少鳥類小精靈的最佳食物… 但動畫當然唔會出現呢類情節啦。(9) 小智係最強人類？

比卡超和小智總是形影不離，比卡超大部分時間都係坐喺小智膊頭，甚至騎喺頭上，成個畫面相當溫馨。不過根據官設定，比卡超的體重足足有六公斤(約13磅)！小智隨時都可以將比卡超單手抱起，又可以長時間將13磅負重喺膊頭，實在係唔簡單…

而呢隻叫「由基拉」的小精靈，官方資料顯示佢體重逾72公斤(約158磅)，小智一樣可以將佢隨手抱起甚至放喺背囊，最強男人非佢莫屬！不過睇卡通又唔使咁認真嘅，呢啲趣事笑嚇咪算！

其實小智喺動畫中多次展示出佢無窮臂力，可能佢除咗衫係個大隻佬？網民實在創意無限！(10) 多邊獸事件是甚麼？

寵物小精靈播出深受歡迎，當時世界各地的小朋友放學後都一定會返屋企追看(包括小編！)，但竟然曾經睇到出事！1997年時播出的第38集中，講述小智一行人進入電腦世界與「多邊獸」大戰，比卡超以十萬伏特電擊抵抗導彈，之後畫面發出爆破效果，強烈的紅、藍閃光以每秒12格的超高速閃爍不停。結果有685名日本小朋友出現「光敏感性癲癇症」(Photosensitive epilepsy，簡稱PSE )，動畫更停播了半年。