我返教會,係為左溝女，有咩問題呀?

:0:1

其實我返教會係為左溝女，有咩問題?

sponsored 首先，要將情況區分做「已信」與「未信」者。「未信」者會想返教會識另一半，不外乎是一個原因：純品。畢竟教會既人，應該唔會食煙飲酒講粗口（果真？），大部分都有一份發唔到達又餓你唔死的正當職業。男既應該好似丸尾咁戇戇居居擔s唔偷食、女既好似小玉咁孖辮彈彈下，尋找結婚對象的人品問題上的確是加了層保險。（但少年你實在太天真了，難道你不知道耶教另一半「必信」的規定嗎？要得到純品另一半，唔該用信仰黎交換。鋼鍊有云：人沒有犧牲就什麼都得不到，為了得到什麼東西，就需要付出同等的代價呀，明無～）不過，「溝」到「食」唔到就是肯定的，起碼「未信」者都要認真諗清楚，除左用「信仰」黎交換之外，「婚前無得食」現在亦變成「未信」者會否返教會識另一半的最要考慮吧然後，再把「未信」者分為「男未信」及「女未信」。「男未信」返教會溝女算是死罪、但「女未信」只要不是太過份，多往往會被網開一面。呢個究竟是咩道理？sponsored 那，「已信」者呢？「已信」者因為教會劃地為牢要求「已信」者另一半都要是信左（又或者，你夠膽就搵另一半未信既，然後婚前鍊死佢都要佢信），所以「已信」者都有出現不停轉教會的情況。如果「男已信」返教會擺明車馬溝女，當然就會被視為「撒網者」而被排擠；至於「女已信」嘛

最多都只是被人覺得比較恨嫁而已。似乎在這個層面上，女方無論如何都是佔優。早前筆者的小組就發生過一件有趣的小事：話說小組有一位男性新朋友M（「新朋友」呢個term真是去到任何一間教會都是咁叫…）來到，弟兄跟他說話總是一聲不哼、但只和姊妹說話，也在第一次前來就探聽究竟小組內有沒有「未釣之魚」。由於小組內的姊妹均已「明花有主」、M也沒轉彎抹角，直接跟組長講「因為小組無女（食？），所以這裡不適合我啦」，並希望組長介紹他去其他的教會sponsored 這可真難為了組長：介紹佢去其他教會咩？明知佢去搵女食架喎點可能介紹呀。唔介紹咩？又唔得，M又嫌小組無女。趕佢走咩？只會令佢有多個藉口覺得耶教徒排人；勸佢？但講真，開門見山直接話「其實我是搵對象呀」既人都算幾真誠呀，真誠都是美德黎喎於我個人而言，始終嘛，「食色、性也」，其實食慾與性慾都是人性，點解耶教人可以一班人一起飯聚、但是卻咁排斥「返教會就是為左溝女／仔」的人呢？都是果句，壓力越大反抗越大，你越排斥，別人就更不服氣。但是，「動機不純」都算是一個問題。「返教會為左溝女」的人，當然不掛除有一日是真心信靠，但是亦會被留下不可磨滅的壞印象，起教會都難以立足。所以，究竟有無問題，我又真的下不了結論…其實呢，講到尾，教會咩都唔做成日無為而治就希望所有信徒自己搵到另一半，是一個虛妄的幻想。畢竟的確有不少人是要被牽紅線先成功，尤其是進入職青後社交圈子日益收窄的情況之下；當中有不少單身信徒更因為種種原因「被逼獨身」sponsored