【日本】真。返鄉下耕田團！去新潟縣佐渡島新手插秧！水稻梯田300年歷史！$8,964/位全包4日3夜住宿、島上交通、超過10個活動及部份膳食！

:0:1

真。返鄉下耕田團！有冇試過自己親手種日本米？今次 ulu travel帶大家去新潟縣佐渡島，喺300年歷史水稻梯田新手插秧 #自給自足是可以（$8,964/位全包4日3夜住宿、島上交通、超過10個活動及部份膳食）（最後2位！）
位於東京以北新潟縣嘅佐渡島，由新潟市搭船1小時左右就到！佐渡島自17世紀初就有島民喺金山發現金礦，令佢搖身一邊成「金銀島」！四面環海嘅佢擁有豐富海產，更有火山溫泉等豐富大自然資源，仲保存好多日本傳統文化。島上無shopping mall，只有反璞歸真嘅農田同居民。
佐渡島面積僅次於沖繩，但因為年青人口持續外流，令島上面臨太多老人、平均生產力下降等問題。今次特別帶大家去佐渡島，幫當地公公婆婆一齊耕田種日本米，其實等於為全個島出一分力！
今次體驗，特別由移居佐渡島嘅香港人Eummie San親自帶隊，一齊喺保存300年嘅絕景梯田水稻下栽培、同島民一齊整飯團、燒墨魚Party等，用最原始、最Local方法同您深渡遊佐渡，讓您身心靈逃離城市、回歸大自然！
【出團日子】2023年5月21日-5月24日（佐渡島両津港集合）
【預訂網址】https://ulu.travel
水稻梯田插秧，欣賞日本最原始風景
島上獨有嘅梯田，由於喺江戶時代過度開墾，喺平成20年（2008）當地採取「梯田保有制度」管理，先保存到今日咁靚嘅景色！今次由Eummie San帶您與當地島民一齊喺「千牧田」插秧，係（已獲聯合國糧食及農業組織嘅認證）全球重要農業遺產系統嘅梯田！手工種植，無乜機器輔助。除咗幫當地公公婆婆手，仲可品嚐一餐親手種嘅梯田米飯！

宮崎駿迷必去《千與千尋》盆舟體驗＋《天空之城》北沢浮遊選鉱場
到佐渡島南方「矢島」地區，一定要坐「盆舟」！喺海上搖搖前行，體驗有趣！「盆舟」係以佐渡出產嘅杉樹同竹子編製而成，方便漁民喺窄同多礁岩嘅地方採集海膽、鮑魚、海帶。今次團友可以坐「盆舟」探索佐渡島美景，包括人氣景點：佐渡島版「青の洞窟」！
既說佐渡島以金礦業繁盛見稱，嚟到一定要去埋礦場遺產：「金山」！被日本人選為七大最美廢墟，掘出嚟嘅礦物就好似電影《天空之城》中北沢浮遊選鉱場中提鍊成金。

眾人皆醉我都醉！免費試飲頂級Sake！
#旅行必須酒參觀創建於1892年嘅清酒釀酒廠 – 尾畑酒造，仲可以品嚐著名品牌「真野鶴」：佢由2001年起多次得到日本新酒評鑑會「金賞」肯定！另外仲去埋被稱為「最美夕陽小學」：「学校蔵」，睇下呢間本來被廢置嘅學校點樣活化改建成餐廳同釀清酒廠。
一睹曾經滅絕嘅野生鳥類：朱鷺
佐渡島亦有「野鳥之島」之稱，您可以一睹曾經被絕滅嘅「朱鷺」。佢哋以往喺東南亞好常見，可惜因為人類過份狩獵、用農藥、森林開發等環境破壞，令到喺日本原生嘅朱鷺喺2003年全數滅絕。後來有國家送贈朱鷺，進行人工繁殖，加上島上居民改以有機/無農藥嘅可持續農耕方法種植，優良生態令朱鷺得以健身成長。今次就帶您去「朱鷺森林公園」，入面可以近距離觀察朱鷺啦～

講住咁多先，其他活動等大家去到同Eummie San 親身發掘同體驗呀！
於六丸亭體驗生活
由明治時代興建，到大正時代就變成旅館。近年Eummie San同朋友一手一腳、一樁一木將佢DIY改造，變身成一間咖啡廳+旅館，夜晚仲變身為清酒吧！今次就會帶大家入住體驗輕鬆下。順帶一提，六丸亭食嘅米，都。係。梯田米。喔～
行程安排
東京至新潟交通：
由上野駅或東京駅，坐「上越新幹線」往新潟駅，最平方法可以買埋我哋有售嘅「JR 東日本鐵路周遊券（長野、新潟地區）」：https://ulu.travel
之後喺新潟港渡輪碼頭搭船前往両津港 (佐渡汽船：https://www.sadokisen.co.jp/ )
5月19日（五）Day 1
– 両津港迎接參加者
– 回六丸亭
(如早上船抵達，可加插做塩工場）
– 去大浴場溫泉
– 回六丸亭食飯
– 燒墨魚丸派對&飯團體驗（和島民接觸）
5月20日（六）Day 2
– 金山
– 北沢浮遊選鉱場
– 陶瓷工場
– 午餐名物烏冬 (自費)
– 佐渡牛乳　雪糕 (自費)
– 尾畑酒造參觀
– 学校蔵參觀
– 迴轉壽司 (自費)
5月21日（日）Day 3
– 8:00 千枚田　插秧活動
– 小木港「盆舟」體驗
– 19:00 六丸亭
– 佐渡名物炸鰤魚定食（飲料自費）
5月22日（一）Day 4
– 8:00 六丸亭早餐
– 9:30 朱鷺森林公園
– 10:30 佐渡朱鷺啤酒館
– 11:15 坐船回新潟港
*行程有機會因天氣改變，不另行通知，主辦機構對行程有最終決定權
【出團日子】2023年5月21日-5月24日（佐渡島両津港集合）
【預訂網址】https://ulu.travel
（覺得抵可Whatsapp同LINE Share俾朋友）