旅行中毒者嘅10個症狀

 
心情好，想去旅行慶祝？心情唔好，想去旅行散心？心情好定唔好都想去旅行？一齊睇下你係咪旅行中毒者喇！

---

症狀1：明明知道冇假期，都忍唔住要睇特價機票！

旅行中毒者最明顯嘅一個症狀就係「無意識」咁隨時關注機票價格，通過各個網站關注機票資訊，一見到特價機票就心動呀！

---

症狀2 : 社交平台嘅內容有一半以上都同旅行有關

打開facebook，好少見到朋友嘅動態，反而差唔多全部都係旅遊相關嘅資訊，證明你嘅生活已經畀旅遊充斥住！

---

症狀3 : 一講旅行嘅話題就雙眼發光

一聽到同旅行相關嘅話題，就忍唔住要加入討論！

---

症狀4 : 銀包有其他國家嘅貨幣

如果銀包有三款其他國家嘅貨幣，證明你係輕度中毒者；如果超過十款，你就係嚴重旅行中毒者！！！

---

症狀5 : 朋友約你行街，你會拒絕；但一叫你去旅行，立即SAY YES！

---

症狀6 : 旅行途中，心裡面已經計劃緊下一個旅程

明嘅，對你嚟講，一個旅程嘅結束，就係另一個旅程嘅開始丫嘛！

---

症狀7 : 唔介意去相同嘅旅行地點

你認為每一個旅程都係獨特嘅，就算同一個地點，都會因為唔同嘅心情、天氣、時間、朋友而有唔同效果。

---

症狀8 : 面對去唔到嘅景點、餐廳，你唔會遺憾，因為你知道你好快會再嚟

---

症狀9 :  數學唔叻，但對匯率異常敏感

無論數學幾差都好，一講到匯率就個個旅行中毒者都變左專家！

---

症狀10 : 安排旅行嘅時候，一啲都唔覺得麻煩

你絕對唔怕要安排行程、交通，就算要研究複雜又唔熟悉嘅交通工具，都冇問題呀！

---

以上十條旅行中毒者嘅症狀，你中咗幾多條呢？


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁