(真人真事) 賭上自己條命，我都要拯救呢個援交妹

:0:0

起呢個世界上，有好多後生女為了金錢而出賣自己既身體，做左俗稱為援交妹既性服務者。而本故事既女主角阿儀，佢唔單止係一個援交妹，仲染上左毒癮，每日都過住自暴自棄既日子。阿儀既父母因為睇佢唔過眼而將阿儀趕出門口，連身邊最好既朋友都同佢斷絕關係，搞到阿儀只有過住無家可歸既生活。如果無人出手相助既話，咁阿儀註定會落得橫屍街頭既下場。

本來我同阿儀素不相識，但係起某個契機之下，我得到左一個唔可以唔救佢既理由。於是我決定同某個起天國黎既天使合作，聯手改變阿儀佢悲慘既命運﹗
阿儀做左援交妹之前，其實係個好清純既女仔，絕對唔係果D性生活放蕩既MK妹。咁點解阿儀會從一個乖乖女變成一個援交妹呢？一切都要起阿儀中學三年班既時候講起……
當時既阿儀係個性格內向，又唔識打扮既女仔，成個毒女Look咁款。佢起班上既人緣唔係幾好，身邊一個可以傾解既朋友都無。其實阿儀生得都幾靚女架，不過一直都無人注意到呢點。當時既阿儀就好似灰姑娘一樣，雖然擁有同公主一樣既美貌，但係就要過住比旁人冷落既日子。
阿儀一直都好渴望識番個新朋友，但係一直都無人睬佢。終於到左某日，佢起課室流左眼淚。但估唔到，呢個時候終於有一個人主動同阿儀講野……

「阿儀，做咩事唔開心呀？」

阿儀抬起頭，見到一個短頭髮，隻眼大大既女仔叫佢。
「我……我……」
可能太緊張既關係，就將阿儀有很多野想同呢個女仔講，但係佢都係講唔出一句完整既句子出黎，只係好似一個傻瓜咁樣喊住「我……我……」。而呢個女個女仔見到阿儀咁緊張，於是就介紹左自己先。
「我係網球社既Elaine，依家我地收新人入社呀，妳加唔加入呀？」
呢個叫Elaine既女仔當時因為啱啱打網球，所以想搵另一個同佢差不多LEVEL既人黎做練習既Partner。但係佢身邊既朋友們全部都已經搵左其他課外活動，於是Elaine便試下找其他人。因為呢個原因，佢找上了阿儀。

雖然阿儀對運動沒無咩興趣，但望著Elaine親切既笑客，令佢唔好意思Say No。於是阿儀點點頭，答應左Elaine既邀請。

從果日開始，阿儀每星期都會同Elaine參加網球社既活動。除左對打網球愈來愈熟練之外，阿儀既社交圈子亦大左好多。因為呢個原因，阿儀原本陰沉既性格，亦開始變得主動同積極。另一方面，因為阿儀成日同Elaine練習網球既關係，佢們兩個人成日都會一齊吹下水傾下解。兩個女仔既感情愈來愈好，起學校一齊做Project，到放學後一齊去行街買衫，佢地已經成為左一對形影不離既好姐妹。

雖然兩個女仔相處都有一段時間了，但阿儀有樣野讓Elaine很在意﹕阿儀同其他女生好唔同，佢唔會化妝，對衣著又唔太講究。某一天，Elaine向阿儀提出呢個問題……
「阿儀，點解平時唔見妳化妝既？」
聽到呢個問題，阿儀開始臉紅，望落去好尷尬咁。因為起阿儀既心目中，一直覺得自己係非常平凡，完全無吸引力既女仔。亦都係呢個原因，阿儀唔鍾意同其他人討論自己個樣係咩。不過對住Elaine呢個好姐妹既話，阿儀就免為其難話比佢知啦。
「因為……好似我呢D咁普通既女仔，打唔打扮都無分別啦﹗」

「絕對無D咁既事﹗」
Elaine非常激動咁回應佢。作為阿儀既最好朋友，Elaine比任何人都知道阿儀個樣唔差。只不過阿儀呢個傻女竟然選擇埋沒自己既姿質﹗作為阿儀既最好朋友，Elaine點可能會比這D事發生呢？
「阿儀，我比其他人都要清楚，妳絕對唔係妳自己所諗咁普通架﹗」
「Elaine……？」看見Elaine咁激動，阿儀顯得驚慌失措。
「我決定左啦﹗我要教妳化妝，衣裝同埋打扮既技巧﹗」
於是，Elaine向阿儀施展左一個魔法，一個可以令灰姑娘變成公主既咒語……
「睇下，覺得點呀？」
在Elaine既幫助之下，阿儀起塊鏡前見到了一個好似女神咁漂亮既女仔 – 一個完全陌生既自己。
「呢個……係我黎……？」

「係呀，呢個先係妳真正既樣黎，阿儀。」
見到Elaine幫了自己這麼多，阿儀呢一刻真係好感動。佢眼角流下幾滴淚水，並展露出一個真誠既微笑望著Elaine……

「Elaine，我真係好……多謝妳……﹗」
而Elaine便輕輕摸摸阿儀既頭，然後話﹕
「傻妹黎架，我地係朋友丫嘛，呢D事係應該既﹗」
從果陣時開始，阿儀出街既時候，都會化妝和打扮自己。班上既同學看見阿儀竟然變得咁靚女，大家都嚇到O嘴咁款。因為這個原因，眾人對阿儀既態度都有左180度既轉變。

昔日那個可憐既灰姑娘，已經變成了一個萬人仰慕既公主。
而起這個時候，佢既白馬王子出現了……
「阿儀，其實我一直……都好鍾意妳。妳可唔可以同我一齊……？」
向阿儀表白既，係佢既同班同學阿宏。身為足球隊既王牌前鋒，同時成績亦起班上名列前茅，阿宏可算係文武雙全既型男。竟然會有條件這麼好既男生向自己表白，阿儀既心跳加快，吸引急速起來，雙臉變得桃紅既顏色……
這個就係阿儀既初戀。
因為這神奇既咒語，灰姑娘終於都化身成為公主，和王子展開愉快既戀情。但很可惜，呢個咒語無幫灰姑娘得到幸福快樂既生活……
阿儀同阿宏交往左半年之後，佢地已經成為一對欣愛既情侶，過著甜蜜既戀愛生活。但某一天，阿儀既好友Elaine居然發現左阿宏既一個大秘密。

他起某間餐廳和另一個女仔親熱……
起Elaine既心目中，阿宏是專一、負責既男生，係阿儀既理想男朋友，所以佢初頭都唔敢相估呢個係阿宏。但Elaine再望深一層，肯定自己無識錯人，佢的確係阿宏。Elaine唔想阿儀繼續受騙，於是就用手機偷偷拍低阿宏背著自己女友，同其他女仔偷情既照片。
到左第二天，Elaine將她尋日天見到既事同阿儀如實告知。當然阿儀唔相信Elaine既話。
「阿宏點會做D咁既事呀，Elaine妳係唔係搞錯左呀？」
「呢件事千真萬確，唔信妳睇下呢D相。」Elaine講完之後，就拎出手機比佢望。
阿儀接過Elaine既手機，見到相片中既那個男生……真係阿宏。如Elaine所講，阿宏的確同另一個女仔親熱。
無可能……呢張相係假既呱……？一定有咩地方搞錯呱……
阿儀既腦不停浮起上述既句子。起阿儀心目中，阿宏係十全十美既男朋友。佢個人靚仔，運動又勁讀書又叻，最重要係對自己好溫柔。先前孤泠泠一個既阿儀可以識到呢個男朋友，真係開心都黎唔切啦，你叫佢點接受自己條友做出呢D事？
最後阿儀都係堅持自己既諗法……
「Elaine，阿宏佢一定唔會咁對我既。呢件事一定係誤會。」
估不到阿儀見到呢D相片之後都唔肯接受現實，Elaine呢一刻真係好嬲……
「誤會？咁都話誤會？﹗妳條仔依家出軌呀，妳唔係咁都幫住佢呀？﹗」
「佢唔會出軌架。相入面個男仔可能只係阿宏好似樣姐。」阿儀微笑咁回應Elaine。但係呢個時候Elaine竟然留意到佢隻眼濕濕地……可能阿儀唔係唔相信阿宏出軌，而係她唔願去接受阿宏出軌呢個事實。亦因為這個原因，Elaine無再因為呢件事而同阿儀爭吵落去。
雖然阿儀表現得很信相自己既男友，不過她既內心的確有懷疑過阿宏。後來，阿宏問阿儀可唔可以開房仆野。當時阿儀既內心起信任同懷疑之間掙扎，到底應唔應該為呢個有可能背棄自己感情既男仔獻出自己既第一次？少女本來猶豫不決，但佢看見阿宏咁期待既樣，擔心依家拒絕佢既話，呢段感情會破裂到無法挽回既結果。
「既然你咁想做既話，咁我……就應承你啦。」
迷惘既阿儀接受左阿宏既要求，為他獻出自己既初夜。但沒想到，阿儀呢個決定卻為佢既美好生活畫上句號。
過左兩個月後，阿儀察覺到一個令她非常震驚既事實……

她好似有左身孕……
阿儀只係同過阿宏做過一次愛姐。當時她抱著僥倖既心態，以為唔會咁啱因為呢一次就中伏呱。但她真係中伏啦，驗孕棒和醫院既報告都不約而同咁表示她已經有兩個月既身孕。當時阿儀只係得十六歲，咁後生便要做人媽媽，她根本承受唔到這件事。
她呢一刻個腦海一片空白，完全唔知道應該怎算。她唔敢將這件事話比爸爸媽媽聽，因為佢地知道自己既女兒生左BB既話，一定屌到自己飛起。咁要唔要將呢件事話比Elaine知？但最後她都係打消了這個念頭，因為之前Elaine曾經告誡過自己，唔好相信阿宏。但係阿儀就無視Elaine既忠告，還懷上了阿宏既孩子，呢個仲唔係自作自受？
最後起無可選擇之下，阿儀將這件事話比阿宏聽。
這一刻阿儀覺得自己既遭遇是最慘既啦。但係她錯啦，這件事其實只是她不幸既開端。
阿宏知道阿儀懷上了他既孩子之後，唔單止一D都唔擔心，仲話比阿儀聽一件非常大鑊既消息……
「對唔住呀，阿儀，我已經有新既女朋友啦。我諗妳都係快D落左佢啦。」
呢一刻阿儀最唔想發生既事情發生左啦。起自己最無助既時候，阿宏唔單止無支持佢，仲比左阿儀呢個更大既打擊。見到昔日和自己這麼恩愛既阿宏，竟然對自己這麼絕情，阿儀成個人好似快崩潰啦。
阿儀雙腿發軟，眼角冒出淚珠。佢大大力深呼吸，然後問﹕
「落左佢……？」
「我介紹一間醫院比妳，果度好平架。」阿宏拎出手機禁左禁，然後比醫院既地址阿儀睇，「今晚妳黎我屋企，我拎D手術費比妳。」
當晚收了阿宏既錢後，阿儀一臉神情恍惚咁番到自己既屋企。她既爸爸媽媽見到自己個女咁失落，就上黎問下阿儀咩事。
「無野呀。我只係同阿宏佢分左手姐。」阿儀苦笑，然後以一副滿不在乎既語氣回答父母。
當時阿儀既媽媽想問個囡係咩情況，但係阿儀既爸爸就話﹕「我諗呢段時間應該比佢靜下比較好。」
於是阿儀既媽媽打消了啱啱既念頭，然後望住自己個囡返番間房。
當晚阿儀刪除左所有和阿宏有關既相，同時將阿宏拎比佢既禮物丟曬。之後，阿儀一個人呆呆咁縮起牆角。她諗起唔好彩有左BB，然後又比男友拋棄既事。最後阿儀終於忍不住了，放聲大哭起來。
到了手術既那天，阿儀跟據阿宏提供既地址，一個人前往果間位於深圳既醫院。當她踏進醫院內，就發現呢間既醫院望落去有D殘舊，同時睇病既病人也沒幾個。呢個時候她開始擔心等等手術安唔安全，甚至有放棄手術呢個念頭。但一諗到現在離開既話，就得番生BB呢條路。
所以最後她仍然抱著不安既心情黎到手術室……
手術順利完成，阿儀成功落左自己腹中既BB。捱左咁多苦頭之後，阿儀本來以為自己既不幸遭遇終於告一段落。
但呢件事仲未結束。
一個月之後，阿儀經常感到肚痛，同時小便既時候亦有出血。她開始覺得事情有點不對勁，於是便去醫院檢查。沒想到醫生既回答居然是……
「小姐，相信妳上次做墮胎手術既時候用既器材唔衛生既關係，妳既子宮受到細菌感染。呢次既情況唔太樂觀，我諗妳最好有定心理準備，就算治療完畢之後，以後都好可能會……生唔到仔。」
當醫生講出「生唔到仔」既時候，阿儀既心離一離。
「生唔到……仔？會唔會邊度搞錯呀？」阿儀苦笑咁問，希望醫生係錯口先咁講。但係醫生只係冷冷既搖搖頭……
阿儀因為比男友拋棄同墮胎既事而受盡苦頭，當她好唔容易咁將佢地克服既時候，居然黎左呢個新既打擊。本來情緒已經唔太穩定既阿儀，就起呢一瞬間失控啦……
「呀呀呀﹗﹗」阿儀雙手抱住頭，崩潰咁慘叫。
醫生看見阿儀突然失控，即刻抓住她既手臂，然後不斷咁叫﹕「小姐，冷靜D啦……」但阿儀無理會醫生，繼續失控地慘叫。最後她喊到聲嘶力竭，然後比幾個護士合力制服。
呢件事這阿儀既打擊非常大。其實佢都希望遲有機會，可以和自己老公再生番個BB，組織個小家庭，但係依家既阿儀已經無可能再做人媽媽啦……

[圖擷取自網路，如有疑問請私訊]