李思捷舊愛 被鬼上身
雖然農曆七月仲有一段時間先到，但大家唔好以為鬼門關未開，就唔驚時運低撞鬼喇！咁諗，就真係超錯！早前，李思捷舊愛馮鎵瀠（Naomi）同模特兒邱美薇跟玄學家吳佩孚，去到城門水塘探靈，拍攝《東周網》嘅靈異特輯；期間，吳師傅就提議以兩個女仔嘅肉身做媒介，嘗試同靈界朋友溝通。當晚疑似被鬼上身嘅Naomi，事後就喊爆咁話：「師傅幫我作法時，我覺得個人好凍、好凍，凍到好似結咗冰咁，之後就有一股寒流喺背脊嗰度，之後就話個靈異朋友已經上咗我身。嗰刻，我好似打咗麻醉針咁，成個人暈咗，我開始感覺到個靈異朋友嘅嘢，我真係好驚、好驚！驚到o依家都未驚完！」Naomi仲話，當晚醒番之後，成個人虛脫，口渴到飲咗一支水。
邱美薇亦表示，覺得全晚都有嘢喺佢身邊飄嚟飄去，毛管戙晒咁話：「我真係好驚！我直頭覺得有一個喺我身邊徘徊，跟住又朝着Naomi嗰邊撲過去。」
兩位妹妹講得咁恐怖，東姑當然即刻睇片求證，就見到疑似Naomi被鬼上身嘅一個鏡頭，佢個樣又真係變得鬼咁猙獰，身旁無端端有團煙飄過，都幾詭異。不過，東姑始終認為鬼神之說，信不信由你，最緊要都係平生不作虧心事，半夜敲門也不驚啦！
Naomi拍《東周網》靈異特輯時，疑似瀨嘢，翻看片段，就見到佢個樣面相猙獰，身邊仲多咗幾個影飄嚟飄去。
玄學家吳佩孚喺Naomi身上作法，以佢嘅肉身做媒介，同靈界嘅朋友溝通。
一二年，Naomi被傳媒拍到與李思捷到澳門過夜而人氣急升，之後推出過性感寫真。
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
今日大件事
