九個月大BB胎死腹中　港姐出身的葉凱茵一度險死

:0:0

葉凱茵重提這件事，是希望更多人知道個疾病的恐怖！

葉凱茵當時腹痛，以為是作動要生，怎料被告知腹中BB已經沒有心跳，自己亦命懸一線。

葉凱茵很遺憾沒有見BB最後一面。

葉凱茵說：「為咗個仔，我唔可以冧。」

事件發生後，葉凱茵人生觀亦有改變，她說：「依家仲有乜好怕，仲有乜嘢需要去驚。」香港小姐出身的葉凱茵與「舊愛」李思捷甩拖後，於2009年與圈外男友閃婚，隨後更為丈夫誕下兒子，兒子轉眼間已經五歲，去年葉凱茵再度懷孕，陀著第二胎的她本來一切順利，預產期在今年二月中，原本一家人歡天喜地迎接新成員，但卻晴天霹靂，一值檢查正常的葉凱茵患上突發性妊娠毒血症而腹痛，去到醫院時腹中的九個月大的BB已經沒有心跳，葉凱茵亦情況危險，半隻腳踏入鬼門關。「好驚、好慌、好亂、好痛！」經過多月康復，葉凱茵接受訪問憶述傷痛說：「上年六月有咗BB，第二胎一切好正常，政府、私家醫院都有檢查，一切正常。喺1月15日突然個肚唔舒服有啲痛，因為預產期係2月 11日，自己仲以為作動生得，去到醫院醫生話BB已經冇咗心跳、已經冇得救。醫生要即刻催生佢出嚟，當時自己清醒、好驚、好慌、好亂、好痛！醫生話我係妊娠毒血症，醫生話我執番條命都好好彩，因為病令到血壓好高，當時血壓180幾隨時中風，身體差咗好多，經過幾個月治療慢慢復原，但係隻眼都仲有少少黑影。今次講番件事，係希望多啲人留意呢個病，呢個病真係太恐怖，有啲人會有先兆，我就完冇徵兆。」「遺憾冇見個仔一面。」自言過往性格驚青脆弱葉凱茵，沒想過自己如此堅強，初時也不停哭泣，也擔心自己有情緒病，慶幸有老公及五歲兒子支持，才沒有精神崩潰，她說：「唔係有老公同個仔，一早已經崩潰，喺醫院姑娘問我睇唔睇個BB，自己覺得好衰拒絕咗，因為擔心呢個畫面會係一世，我仲有個仔要照顧，唔可以冧。好遺憾、好矛盾冇見個仔一面，其實個心好唔安落。依家每日同BB祈禱，同佢講對唔住，可能同佢冇緣份，矛盾係BB成咗型、生咗出嚟，但得唔到媽媽懷抱，但已經係事實，冇辦法，為咗個仔一定要堅強。」

葉凱茵有一個五歲大的仔仔。感激屋企人支持BB夭折後葉凱茵在家休養多月，一度懷疑自己有驚恐症，她說：「有一、兩次喺房突然間好驚，都懷疑自己有驚恐症、情緒病，好彩個仔好活躍成日黐住我，令我分散咗注意力，自己一向好健康，有諗過咁不幸嘅事會發生喺我身上，好彩自己有乜唔開心會講曬出嚟，慢慢又好番啲，成日同自己講仲有個仔，唔可以冧。」葉凱茵又特別感激老公悉心照顧，她說：「屋企人支持好重要，老公都好難受，老婆隨時唔得，見到佢咁照顧我，自己更加唔可以諗做傻事。」

葉凱茵全靠仔仔和老公的支持，才可捱過這一關。「仲有乜嘢需要去驚。」大難不死的葉凱茵康復後，為五歲兒子積極面對人生，沒想過會做生意的她與朋友合資六位數開設BFC Beauty Fans Channel在網上及旺角售買美容產品，她說：「今次做生意都係因為呢件事，希望個仔將來過得好啲，以前好驚青，依家仲有乜好怕，死都幾乎試過，真係半隻腳....執番條命好好彩，仲有乜嘢需要去驚。依家我主要負責宣傳，拍檔就負責入貨，產品會試過先賣，好似面膜都試咗十幾廿種，有啲效果唔好就唔賣，目標係希望再開間鋪專賣潮物。」
想在手機閱讀更多娛樂新聞資訊？下載【GigCasa 激趣網】Android應用