藍夢南點解變殭屍？謝安琪話你知！

:0:0

藍夢南點解變殭屍？謝安琪話你知！

無綫熱播劇集《殭》開始進入另一高潮，最近幾集開始講述鄭嘉穎飾演嘅「不死人」刑活着過去嘅一段情，劇情認真愈嚟愈緊張，難怪一班網友都話晚晚要煲劇追貼劇情，不過網友都對劇中角色仲有好多疑問，所以劇中飾演藍夢南嘅「人妻女神」謝安琪（Kay）特登喺網上撰文，交代番角色背景，真係有心！相信大家最好奇藍夢南呢五百年嘅殭屍生活，以及佢知唔知自己點解失去人類身份，而Kay解釋番藍夢南對變成殭屍一事一無所知，由出生到29歲嘅記憶完全空白，所以一直好痛苦咁生活，直至遇到羅蘭飾演嘅藍黃紫紅先首次感受到人間溫暖，其後仲以對方孫女嘅身份繼續生活。另外，生性善良嘅藍夢南好抗拒吸人血，所以每當血癮發作，佢會刻意挑選人類眼中死有餘辜嘅惡魔嚟吸血。推敲藍夢南點解做法醫劇情冇交代藍夢南點樣當上法醫，但Kay根據角色背景及個性去分析，佢話：「我以紅（羅蘭飾演嘅藍黃紫紅）角色的睿智、對南（Kay飾演嘅藍夢南）處處着想及作為有使命感的醫生等種種背景推敲；紅有感必須為南找到生活的義意有完整真實的人生，令其不至虛渡（度）光陰及浪費了難得的人類身分（份），便以自己的人脈安排南就學及後更成了法醫。然而，南之所以能夠擔任法醫，除了她本身有『一指靈』的特異功能作為輔助，其實亦有劇情支持而並非荒誕（為免劇透，只能解釋至此）而就劇情交代，南工作時專業、冷靜而且心思細密觀察入微，亦很受同事、助手的尊重，是一位非常出色的法醫。」唔肯劇透吊觀眾癮至於，藍夢南愛上宿敵刑活着，對方有殺滅殭屍任務，但自已偏偏係殭屍，呢段關係可以話係「相愛而不能愛」，究竟佢哋段關係最後會發展成點？Kay就冇劇透，叫大家留意今個禮拜嘅劇情發展就會知喎！