靈體我真是見得好多，同鬼接觸其實係需要有距離

:0:0

本人是一個天生生壞眼的人, 為免重覆而且我又懶, 我抄翻之前我在他人的一個post講過的野, 以免有人再問我身世!

靈體我真是見得好多, 有實體, 有化身人類形象出現, 有白影或黑影或半透明灰色的阿飄, 有隻見半身(只剩上半身或下半身), 有些突然拉長塊面嚇你既都有, 它們當中更有紅色綠色亦都有我都算見識過唔少世面, 我當過差好多年, 由一個軍裝散仔去到最後入到警界中的最高學府總區重案組, 是我們每一個這些非大學畢業的散仔終極目標和榮譽, 當中晉升過程要過五關斬六將, 要極速上位進入西環高街的最高學府, 除非你在以前環頭破過某些"重組"或者立過大功,見board才被推薦, 我在當差生涯遇過很多"光怪陸離"的案件(懸案), 其中有些無頭公案最後都可以破案的關鍵都是靠"靈感應"和"仙人指路", 這些全部都是鮮為市民所知的, 因為警隊從來都唔會同市民講, 我地係靠"朋友仔"俾線索我地令我地破案,我地通常官方最常用的口吻只會話我地主動調查"某些事"發現某些線索跟住破案, 因為這些匪夷所思,

講出嚟你都唔會信的野, 唔通話俾市民聽雲集全港警隊精英的香港總區重案組靠這些咁荒謬怪誕破案, 未免太過兒戲! 唔知係警隊高層的有心編排或加插附帶credit加分條件,或者是巧合, 我們當中有伙計是擁有天生陰陽眼,亦有些是靠後天修行學法開眼的師兄, 擁有通靈的技倆, 可能是方便查案!我地除咗要有偵探分析頭腦, 清晰的組織思潮, 我當中好多同事查案時都親自見過鬼, 亦試過有受害人死者的靈體親自搵上門報夢俾料我地教我地點破案點樣搵兇手,大家亦經常交流經驗心得我離開警隊後同朋友夾份做過地產, 期間時時帶客人睇樓, 好多時就算是"日間時份"一打開單位已經見到一家大細係度, 有些靈體直情串到一打閞大門鐵閘就已經見到"全家人靈體" 一家大細坐正在客廳大廳中的梳化度, 眼神凌厲地瞪住我, 次數無一百都起碼幾十, 我真是"閱人無數", 緊貼天花板爬行的有, 有些自己縮細size藏匿於人類鞋底腳板底"遊行"的亦有, 做地產我心理上真是好難過倒自己個關, 成日帶客去睇盤明明見倒間屋有靈體還仍要扮到若無其事去游說推介客人, 覺得好無良, 好似呃人入局!雖0然香港有好多單位本身已經有"靈體屋主霸咗地盤, 有些住了隨時半個世紀, " 除非好似大角咀奧運站個邊個dee"因為新填海區的原故"新樓盤相對其他地方可能少dee單位被靈體霸佔!

去睇樓現身給我見倒的靈體都唔算惡,相對還可以說幸運, 試過最串的情況是惡靈特登唔現身, 然後嚇我突然感受有人好似在你耳邊大叫"快dee走, 快dee走" , 跟住落到樓下馬路,突然颳起一陣"怪風"吹起哂地上的樹葉塵土飛揚撲向我塊面,攪到我成套西裝污穢哂, dee沙泥樹葉攪到我成面污穢, 但是當時是中午陽光普照炎熱完全無風, 朋友仔向我做這些野無非向我"展示實力"示警, 叫我唔好再帶客人去睇佢住個單位, 當時我心諗, 如果我仍然唔show佢繼續帶客推介該樓盤, 下次唔知會唔會"高空擲物"掟個花盆落嚟令我頭破血流, 所以唔做地產!

我之後兼職做替更夜間的士司機, 馬路上亦都見過遇過唔少靈體出現, 嚟梗七月孟蘭節又到, 我過往亦曾於深夜在港島區某個A地區的某樣交通工具的總站(好多能見鬼的朋友都知那裡是港島區陸路鬼路關)開啟時萬人空巷的賓墟場面, 我亦試過三更半夜駕車途經有港島區B地區水路鬼門關之稱的xx街x 報業集團附近的碼頭見過一個一個水鬼單行排隊上岸, 個身隻手垂直時手指尖還是"滴梗水", 好多有陰陽眼的版友如果是香港土生土長唔須要我介紹無理由唔知我講梗"那處地方", 年年農曆七月實見倒! 即是等於你住九龍區無理由唔知愛x村何xx村果處山頭就係..........總樞紐! 最後, 我都係想講一句, 我相信我由細到大見鬼的數量絕對不少!(我由小學懂事開始每逢晚上孟蘭節跟隨父母去石屎球場睇神功戲時時都會見到靈體擁哂上台前最前排睇人類做神工戲, 佢地誇張到一個一個疊羅漢四五人咁高, 有些坐在最前排的人類觀眾直頭俾佢地騎膊馬騎住, 我最記得每次都會見到有幾個唐裝衫的男人靈體用手打手勢正在指揮眾多靈體的"座位位置", 好有秩序, 好似七十年代香港那些在道路用在交通交匯處圓形的交通亭人手指揮交通的交通警)

上面自我介紹講完, 開帖第一個環節想討論的冷知識題目是 : "與鬼接觸的感覺是怎樣"我都講過我是可以睇倒佢地, 但我小時候試過一兩次仍然被佢地迎面"撞過正著", 我唔知係它們有心定無意, 明知我見倒佢地都撞埋嚟!該黑影既觸感, 類似舊式CRT電視剛開機營幕前果一層靜電, 加上好似電荷同極相拒果種壓力將我推開, 搞到我全身毛管戙, 頭皮都痕埋.舊式CRT電視一開機, 頭果幾秒, 你在螢幕前摸摸, 會摸到有一層靜電"吱吱拍拍"咁既現象, 通常你只會有機會用手去感覺到.我所講既黑影, 就好似以呢種靜電構成, 兜口兜面撞向我, 有d磁力推壓感, 全身麻痺既感覺!如果大家平時突然出現"這種感覺"即表示有可能"接觸到它們"

[圖擷取自網路，如有疑問請私訊]