新受害人出現！補習天王呃蝦條事件下集...另有人再爆料！

:0:0

見到而家Oscar Ma呃蝦條單嘢搞到咁大，我其實都想講，我系受害者之一。我本身系個比較怕事慨女仔。就算曾經畀佢非禮過，都只系收埋喺心，唔聲唔聲，怕惹麻煩甚至官非。但如今事態嚴重，我決定爆埋出嚟，唔再沉默，一嚟想大家知道，受害者唔只一個，二嚟唔想再有人受害（雖然佢個名臭曬，應該再冇女仔敢埋佢身）。我知講出嚟，實有人質疑我，系咪棒打落水狗，乘機作故仔踩多腳，但我都會照講。

件事就發生喺前年十一月中，當時我喺老銅信諾分校，上佢live班，而嗰班live，系六點上到七點幾，都算夜下。嗰堂佢教點拆題，點啄字眼。咁啱佢教到overrun，落堂嗰陣，我走咗出去，問佢其中一條舊試題點拆。佢好用心咁開始講：「呢題呢，你留意下佢兩個subject慨因果關係，再睇緊啲佢有慨系can定may......」講講下，有個職員開門，走入嚟示咗下意，我喺門隙度隱約睇到，有成大棚人排緊隊，有幾個仲有啲唔耐煩咁。咁我就同馬Sir講：「出邊好似好多人等上下一堂喎，不如我下堂再問你丫。」馬Sir見狀，佢企起身，帶咗我出房，喺個角落度同我講：「我諗喺呢處，我好難講得曬畀你聽，我就諗不如......欸......你使唔使話返屋企食飯嗰啲呀？咁啱今日禮拜五，我本身得閒，如果你唔介意，不如我哋去附近餐廳，一路食一路解？」

我本身對佢印象好好，當時覺得佢系正人君子，文質彬彬，不虞有詐，而咁啱嗰陣，我父母去咗旅行，我夜啲返屋企都冇所謂，所以我就應承佢。馬Sir帶我落去，過咗幾個路口，去咗伊利莎伯大廈個停車場，笑住話：「我記得灣仔船街，有咋越式泰式餐廳，口碑幾好，你有冇興趣我車你去試下？「我話：「好，我好耐都冇食過越南嘢，試下都好。」跟住，佢車咗我去船街，我哋隨便入咗間價錢相宜慨越南餐廳。我哋食咗三粒鍾度，馬Sir邊食邊解我問嗰條，講講下我都holiday mood，因為第日系禮拜六。佢見我有啲悶咁，跟住轉咗話題，我哋變咗傾閒偈。佢問我校內成績點，又問我有冇兄弟姊妹，問我屋企平時點。我當時未覺有啲咩，所以都系如實相告。食完，嗰陣大概十一點，馬Sir喺馬路邊，雙手叉腰咁問我：「好......喇。而家都十一點鯪，夜媽媽你一個女仔返屋企，唔系好安全，不如我車埋你返去丫？」我雖然好欣賞佢，但本身唔系話同佢好熟，唔系好想佢知我住邊，所以我話：「唔使啦，我自己去左近車站，搭巴士返去就得喇，費事勞煩你。」

馬Sir聽完之後，原本普通通慨神情，好似有啲微妙變化。佢眼神好似殷切咗，隱約想流露莫名慨親昵。佢慢慢烏低身，側咗少少個頭，似要貼近我左面，我嗰陣準備轉身走，都唔系好嚟得切意識咩事，佢就冷不防咁，伸咗兩隻咸豬手熊抱我。我嗰下堅系窒咗，突然遇咁慨情景，似系啟動咗我sympathetic nervous system慨」fight or flight response」，腎上腺素急升。我聽到自己心跳聲，開始唔系好透到氣，感覺塊面好似有道「辣辣地」慨氣流過。英文講好似叫hot flush？條友熊抱我嗰陣，左手由我背脊打平咁掃，差啲掃到去我個胸，右手猶是，差啲掃到落我屁股，同時越哄越埋，我隱約聞到佢面油陣難以名狀慨汗味。佢慨氣息，似要入侵我軀體。我當時思緒凌亂，個腦白白地，唔知諗緊乜，好似潛意識知道佢系想鹹濕我，但又唔相信佢系咁慨人，兩種矛盾心理互相衝突。

馬Sir一路熊抱我，一路語調怪異咁講：「唔怕啦，我車你返去，咁你咪可以慳返啲車錢囉，又唔使行多餘路......」佢狂摸咗我兩秒，我先由混沌驚魂中，回過神嚟，微微挺起左手，頂咗佢右手一下，我難為情咁講：「真系……唔使喇。你有心……」我慢慢退後，嘴唇震咗幾下，然後轉身加快腳步咁走，儘快遠離咗呢個地方，大概入咗軒尼詩道方向。頭先發生慨事，我都唔想再諗，只系想走得幾快得幾快……我返到屋企，慢慢屏息靜氣，諗返起頭先慨事，知道根本系非禮，亦慶幸自己閃得快，冇再跟佢上車，否則我可能車咗去時鐘酒店，跟住發生咩都冇人知。我嗰陣就算安全，都仲好驚，好無助，喊咗一兩個鍾……我都唔想去諗，自己有冇畀人沾污。之後，我由Live班轉咗去Video，避咗再見到佢。可能你哋話，佢咁慨人你仲補佢？系，當時佢咁樣對我，的確係好下流，但佢教慨嘢，我始終唔可以話完全冇用，所以我選擇繼續補多咗佢一段時間。

過幾日，我都冇再特登去諗，即系我頭一段都有講，我比較怕事，所以唔想走去話畀邊個知，或者去報警。補習天王咁有錢，有成間補習公司做後台，一請啲乜嘢御用大狀，死慨分分鐘系我，唔系佢。我冇錢冇名分，冇得同佢斗。而且，我都知道，亦識得好多人，系好鍾意馬Sir，覺得佢教得好好，主觀唔會知佢系個咁慨人，所以如果我爆大鑊，除咗上述慨法律風險，我亦只會畀人圍剿，根本冇咩著數。但系難得幾日前，有個畀佢呃埋上床慨女仔，膽敢出嚟踢爆佢，有曬證據，搞到通曬天，搞到佢辭埋職，個勢起咗出嚟，所以我決定捨棄忌憚，講我畀佢鹹濕慨經歷畀大家知，希望大家信我。我都奉勸，如果有其他女仔曾經系受害者，你哋唔好驚，勇敢啲出嚟踢爆佢，就算唔想開咗自己任何名，都可以經我地講出嚟。你哋敢講，實大把人撐你，唔需要理啲咩死唔死撐慨所謂盲毛。

如果你是受害人之一，請儘快與我們聯絡，你的資料會絕對保密。

[圖擷取自網路，如有疑問請私訊]