西半山拍拖睇樓 永城詩詠好事近？

洪永城同唐詩詠拍拖年半，二人郎才女貌外形相襯，一直為外間所睇好，早前更有指永城希望可以更進一步，與詩詠同居後求婚！
不過事情冇咁順利，話曬詩詠貴為「不能錯過的女友」，條件好到爆，所以連佢「契哥」馬國明都虎視眈眈！去德國拍節目時mark到契妹實一實，仲勸詩詠唔好心急，所以詩詠返港後就拒絕同居！

不過最後詩詠都決定選永城，早前詩詠35歲生日，就被網民影到兩人齊齊去台北旅行，非常溫馨！而且詩詠似乎都回心轉意，因為佢哋被影到齊齊睇樓…
有 報道指永城同詩詠日前齊齊拍拖睇樓！兩人傍晚去到灣仔囍帖街(利東街)附近的商店漫步拍拖，雖然隔住一個身位，不過沿途有講有笑，非常親密。之後佢哋駕 車去到西半山，兩人先在區內游車河半小時，下車後佢哋就四處抬頭張望，指住附近的大廈，指手劃腳密密討論，似乎都該處的物業好有興趣！
不久後永城同詩詠就向着西城公園方向散步，兩人整晚都保持距離，不過行到夜闌人靜處，終於罕有地拖手，但之後見到記者上前採訪就即刻彈開！被問到系咪去囍 帖街睇婚嫁物品，詩詠就即時勁大反應否認！佢哋又表示有朋友住喺呢區，覺得附近幾靚而且又有公園，所以食完飯就嚟散散步。之後未有回答系咪打算喺呢區築愛 巢，就保持微笑，上車離去。


想在手機閱讀更多娛樂新聞資訊？下載【GigCasa 激趣網】Android應用


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁