蕊蕊:我真係冇自殺同金剛告一段落　蕊蕊Fight出正能量

:0:0

蕊蕊打出正能量！歌手蕊蕊上月與無綫藝人金剛分手，正式結束三年情，惟當時蕊蕊只在網上回應，一直未有公開露面，及後又飛到法國旅行散心。叉足電的蕊蕊到拳館打拳揮灑汗水，無論踢腿及出拳等，更拳拳到肉，向外間宣布「我好堅強」！

揮灑汗水！

蕊蕊話好愛惜自己，從來冇諗過自殺。「我真係冇自殺」回復單身的蕊蕊，接受《東網》訪問時，首先多謝大家關心，更開腔澄清分手後傳聞，她說：「可能分手呢件事，對大家嚟講係快咗啲，但對我嚟講，已經係一段時間。其實我真係冇自殺，我好愛我自己。（有冇唔開心而搞到情緒問題？）我之前係有抑鬱，但已經好番曬，依家冇食藥同睇醫生。」對於「分」訊爆出後，她承認事前並不知道：「真係唔知嘅，嗰陣同佢冇聯絡，爆咗出嚟只係好驚訝。（係咪好錯愕佢冇同你商量？）有少少預咗，不過嗰陣你哋打嚟問我回應，我係畀唔切反應。（依家點？）OK呀，只係我份人向來都唔鍾意解釋得太多，唔想將私人事擺曬出嚟。」

蕊蕊認之前係有抑鬱，但依家已經好番。

蕊蕊仲係處處維護金剛，仲話唔會唱衰對方。「我唔會唱衰對方」俗語說「愛的反面便是恨」，但套用在蕊蕊身上似乎並不受用，無論是分前分後的蕊蕊，一樣多次維護對方：「其實我哋拍拖嗰陣，男朋友要做嘅嘢佢都做曬。（例如？）唔講啦！（佢有咩唔好？）每個人都有好同唔好。（包容？）係嘅！我好人嚟架嘛！」而二人拍拖期間，更傳出金剛欠下賭債，蕊蕊即為對方澄清：「佢從來都唔賭呢個係真嘅！（你哋有冇金錢瓜葛？）一齊嗰陣冇分你我，唔可以用瓜葛嚟形容。（你維護對方？）冇人係完美，我都唔想畀人講，所以我唔會唱衰對方。」蕊蕊表示與金剛「再見亦是朋友」，坦言自己很大方，現時仍與金剛以短訊保持聯絡。

蕊蕊話當時完全唔知金剛宣布分手，佢自己都嚟唔切反應。搬離愛巢談及到當時分手心情，蕊蕊坦言多年感情，傷心亦是必經階段，但仍要懂得放下，她說：「好多嘢好嚟好去，其實只係一個階段（指分手），要行到呢步我唔會強求、執著。（分手原因？）都係照佢咁講。（性生活唔協調？）唔答。（感情變淡？）冇真正計住，拍拖唔會諗呢啲，所以答你唔到。」講到她與金剛「昔日愛巢」，她透露將會搬走：「其實都就嚟租約期滿，同埋好多傳媒知我住嗰度，所以都要搬。（啲貓跟邊個？）不嬲都係我養，所以冇話跟番邊個。」

蕊蕊同金剛再見亦是朋友，依家同金剛仲有保持聯絡。見慣風浪的蕊蕊，坦言其實分手一事對自己來說，並沒有太大回事。問到她會否害怕與圈中人拍拖？她說：「其實我好耐之前講過抗拒，不過當時緣份到，所以就冇得講。」而現時轉投新公司的蕊蕊，表示會專注工作，會歌影視方面發展：「之前同經理人（漢洋）方向唔一致，所以我哋和平解約，依家我哋關係好好，如果佢有啱嘅工作，都會問我做唔做。」現時學打功夫的她，表示希望可向打女方面發展：「依家學緊詠春同打功夫，之前仲拍咗部功夫電影，個導演話冇搵錯人，讚我打得好，聽到真係好開心，因為都係第一次學有咁好成績。」
想在手機閱讀更多娛樂新聞資訊？下載【GigCasa 激趣網】Android應用