(直擊潛入) 20歲香港女仔玩男人玩到咁! 唔係講笑,大陸叫鴨真係會上癮...條J都大碌D

:0:0

三十OL 寂寞，四十師奶苦悶，叫鴨似乎能夠理解。廿多歲的潮女，青春、衣著In ，晚晚蒲吧蒲D ，大把港男追求，成村男人排隊One-night stand ，但她們寧願叫鴨？原來近期潮界把「玩鴨」當時興，一班潮女每星期踏足不同鴨竇，足跡遍布中、港兩地。深圳一間新興鴨店，在潮界廣泛流傳，吸引大批潮女朝聖。上週五，記者跟隨三名廿多歲的型女北上玩鴨，目擊她們在店內狂野飢餐，「飲飽食醉」後，腳步浮浮過關返港。宿醉過後，潮女訴說玩鴨緣由，全因新一代港女報復港男心態。
阿Me 第一次玩
廿三歲的阿Me 是跟住Connie和BB 來朝聖，她第一次叫鴨。阿Me 考獲八級鋼琴，平日在琴室或上門教琴，說起話來陰聲細氣，一點也看不出她也會想叫鴨，「我成日聽d朋友講去玩鴨仔，話有古天樂、陳冠希咁靚仔！我好奇咪跟埋一齊去試下，第時咪可以同人講我玩過鴨，淨係同人講有幾百條仔俾我揀，都幾威呀！」她天真地笑住說。

阿Me 說她家教很嚴，父母在她十八歲前嚴禁她出夜街，所以當她換成人身份證後，便決定去蒲。早上斯斯文文，晚上便變身。逢星期五、六必定落disco 跳舞，閒日就去酒吧劈酒。今次她蒲到去玩鴨。「你無玩過鴨，好似好out 咁。一班女仔出黎，個個話係邊度玩過鴨，我無去過點搭嘴？」
阿Me 單是睇住朋友糟質鴨仔，已覺大開眼界：「成班女仔柴娃娃，一聚埋就開始諗下點奚落d鴨，又除佢d衫，有個怕醜仔仲扯住條牛仔褲喊救命，真過癮！」

說著，Connie 又成功除掉阿華條褲，BB 替David 戴上花圈，阿Me 見狀在旁拍手，笑到彎起腰。到凌晨五點多，三個女仔腳步浮浮的離開。臨走前BB 摸摸David 個胸說：「下星期再黎玩過！」David 深情地用國語說：「我永遠等待你。」
週五盡興後，星期日Connie 、BB 又再玩鴨癮起，在父親節與家人晚飯後，半夜十二時致電記者說：「聽講柯士甸道有間樓上鴨場，有好多新來的陀地靚仔陪玩，不如一齊去試下？」但可能因近期香港警方掃場，當晚鴨店沒有開門，連Bar Code 也沒開。最後，走了四、五間場也碰釘。
Connie 說：「唔緊要，tomorrow 再玩過。」記者問她們何時收手，BB 回應說：「你問男人幾時唔去叫雞，幾時唔再滾，我地就收手。」

說罷，二人又坐上的士，「唔該佐敦倫敦廣場。」該處是另一鴨竇地點。
近期，每晚凌晨過後，皇崗口岸除了一眾北上尋歡的麻甩佬，或者四、五十歲跳老舞的師奶，還多了一班hip-hop look 的潮女，戴住Cap 帽、小背心配上熱褲，露出小蠻腰，穿了多個耳環，不停在關口打電話煲煙。其中一班型女一邊等朋友，一邊大聲交談，「聽講果間竇有一個身材似吳尊，有成四十吋巨胸，成日著背心show 手瓜。」
「我要除曬佢吔d衫褲，唔知大陸仔係咪著T-back 底褲呢？」
「一陣去到要揀個似郭品超或者吳彥祖，一定要型過我條仔……」
這班只有廿多歲的潮女個個嘴角笑吟吟，左一句、右一句，肆無忌憚放聲討論的是深圳新興一間名叫「大富豪」的鴨店。

「我個做美容院既friend 個個禮拜都去呢間竇，佢話呢個場新開無幾耐，成幾百隻鴨仔，大陸鴨任玩唔嬲，點樣糟質都唔出聲。」
揀仔來玩
說話的是廿二歲的Connie 。她今次約定廿六及廿三歲的BB 和阿Me ，三個女仔在凌晨放工後，由皇崗過關，搭的士到崗區「大富豪」玩樂。一走進門口大堂，已見大批港女和鴨仔攬攬錫錫。上電梯後到達三樓的貴賓房區，一對男女還在走廊上拉扯。
甫入房，Connie 便熟練地吩咐鴨爸爸說：「我要靚仔架！有幾多俾我揀先？」
「係咪有個似吳尊？」
鴨爸爸聽後即笑住以半鹹淡的廣東話說：「『鵝』（我）呢度成生（三）百幾個靚仔，你地慢慢揀！」
不消半分鐘，鴨爸爸即帶著廿多個鴨仔入房，一字排開，Connie 按捺不住走上前揭開其中一隻鴨仔的衣服，邊拍他的胸肌說：「嘩……幾彈手喎！」「你識得震波就揀你啦！」鴨仔立刻露出尷尬表情，在場女仔則笑作一團。

她們最後選了三個鴨仔坐檯，分別是胸肌發達、戴上眼鏡扮韓星自稱「David 」；另一個皮膚黑黑實實自稱「城城」；以及白淨版大隻佬，輪廓分明眼大大阿華。
選定心儀的鴨仔後，Connie 主動坐在城城的大腿上，BB 則從手袋拿出Hello Kitty 頭飾，扯著David 頭髮要替他紮頭。

她一邊紮頭，一邊教他講粗口，「跟我講『×你老×』，講得唔正罰飲酒！」David就服從主人一樣說：「嗲來拿磨……」較為斯文的阿Me 聽到他說著不純正的粗口，捧腹大笑。
一輪酒後，眾人均帶幾分醉意，三個人開始要求鴨仔跳辣身舞，並拿出一百元要求鴨仔除衫，David 立即聽命，露出白雪雪胸肌，城城更被Connie 除了牛仔褲，露出三角底褲，阿Me 癲喪地叫嚷：「乜你咁×老土，唔係著T-back 咩？」Connie 喪著續說：「我幫你除，除完著我條T-back ！」
Connie 玩死男人
Connie在場玩得最癲，她現職酒吧拳手，十六歲開始經常蒲酒吧、disco ，年多前開始「好鴨」：「我通常去尖沙咀Bar Code ，Bar Code 價錢貴d，二、三千蚊晚，所以通常月初手頭鬆先去。月尾玩下平既泰鴨，一千蚊有交易，雖然佢地係泰仔，但有d可能mixed左，都幾靚仔，出街又可以私下傾價錢，鴨仔見到我地咁後生出黎玩，都不知幾開心，有時大家岩feel ，唔使錢就可以一齊出街！」
玩完港鴨到泰鴨，今次試玩大陸鴨，價錢四百蚊一晚，Connie 話又便宜又最聽話。「我今次玩盡中港、泰鴨！」她勝利地說。
Connie 因為工作經常被男人糟質，玩鴨是她發洩情緒的方法。「你估d男人出去飲酒真係淨係飲酒，邊有貓唔食魚？我都見得多斯文敗類，著住西裝打曬呔，同佢地猜枚，成日都俾佢地摸手摸腳，借醉乘機攬住我。
「我出去玩鴨我都要揀靚仔，罰佢地飲酒都唔知幾開心，叫佢飲幾杯，佢都要乖乖聽我話，無得say no ！一時又叫佢餵我食野，一時當佢地狗咁鬧，一時叫佢幫我鍊下骨……我都覺得自己變態，但係糟質完d鴨仔，第二晚返工，我會返得開心d，我玩鴨都係平衡番自己心理姐。」
Connie 身邊其實不乏追求者，現時亦有一名拍拖兩年的男友，但每個月也會瞞著他光顧鴨店。她月入約一萬元，每月至少花四千元玩鴨。「偷食唔係男人專利，女仔偷食有乜出奇？只要唔俾男朋友知就得啦！就算我男友出去玩，我都隻眼開隻眼閉，只要佢唔俾我知就算啦。」
Connie 說男人出去偷食為平衡，她出去玩鴨亦是平衡。「男女平等，而家個個都係咁。」
BB 為報復
廿六歲的BB 想法不同Connie ，她最憎男人偷食。她任職Marketing ，已有年半沒有拍拖，過去五次的拍拖經驗，令她對港男盡失信心。「我次次拍拖都無次長，最長都係半年！個個男人都去叫雞！」
「港男？唉！曬氣啦！無型無款無現款，我賺萬五蚊一個月，佢地搵錢分分鐘少過我，仲想係我面前扮大男人？周街都係『電車男』，身邊男性朋友，好既有女友，剩番果d全部係白痴仔，送俾我都唔要。試過有次有個cheap 男約我地成班女仔去唱K ，埋單時竟然問我地每人夾番錢，我地幾條女當堂○曬嘴！不如去玩鴨。」BB 大模廝樣地發表她的叫鴨「偉論」。
她一邊抽菸，提起以前的男友，就露出一副不屑的表情。她怒氣沖沖地說：「個個男友都出去偷食，最記得我前度男友個樣戇居居，諗住佢唔會偷食，點知識左三個月，有一日俾我見到佢頸上面有兩個『咖喱雞』，我認自己大女人，要我戴綠帽，我點都忍唔到，無論佢點解釋，我都唔會聽，分手收場。
「其中一次同一個工作狂拍拖，佢一d情趣都無，情人節問我使唔使收花，我梗係想，但我假意話唔使買，佢又真係慳番唔買！試過連我生日都唔記得，我唔睬佢，仲俾佢話我小器！」
叫鴨仔正可慰藉寂寞的BB ，現實中她深感真愛難尋，唯有往鴨仔堆發白日夢。「玩鴨大把靚仔俾我揀，要六呎五吋高又有、六舊腹肌又有，佢地識得體貼我、關心我。我試過呃d鴨仔話我生日，佢即時唱首生日歌我聽，仲話會永遠記得我生日，果一刻我真係感動到眼濕濕。雖然我明知佢係使我錢，仲會陪其他女人，但鬼叫女人天生鍾意俾人錫、俾人愛！」
陀地鴨最寸
本港鴨店有港鴨、泰鴨兩類，陀地鴨集中在尖沙咀山林道，例如Bar Code 、第六街，消費價錢較高。泰鴨店集中在佐敦、旺角的樓上泰餐廳。近年警方出動Madam 放蛇，掃蕩鴨店，上週便有一單女警於泰國菜館放蛇拘捕四名泰鴨的案件開審，令一班港女北上搵食，深圳區本來經營雞場的夜總會見到市場需求，轉型為鴨店，此「大富豪」便是其一。
鴨店常客Queenie 認為，港鴨、泰鴨、大陸鴨各有優勝的地方。「港鴨通常恃住自己係陀地，懶係寸d，樣就麻麻，但係口才好，識得點樣鍚人開心；泰鴨、大陸鴨就身形大隻、樣貌取勝，有d泰鴨mixed 左成個外國人咁，鬼鬼地夠靚仔；大陸鴨就學歷高，好多都係大專畢業，玩起上黎就怕醜d，但係就好就得人，唔會亂發脾氣同黑面，乜都笑笑口！
玩鴨會上癮
專業註冊臨床心理學家羅志華博士表示，潮女玩鴨是因為過往女性長期被壓抑及受控制，到今日開始爆發出來。「而家香港女仔財政獨立，如果是單身，經濟上又有餘錢，會做嫖鴨呢類心理上屬反叛的行為，係爭取男女平等的表現。」
他說年輕女性如果長期或習慣性召男妓，會影響她們未來的社交或婚姻心理。「將來面對真正的配偶可能會有內疚的心理狀況；而因為道德觀念長期放鬆，會厭倦正常的社交。」
他說如果嫖鴨上癮，必須接受行為治療。「通過三個C ，即Communication 溝通、Compassion 互愛、Commitment 承諾，令病人懂得維繫及發展真正的伴侶關係。」

[圖擷取自網路，如有疑問請私訊]