聽到對情侶傾開買樓，個男話比唔起首期..個港女回左佢一句...

:0:0

今日有一對情侶，傾開結婚，個男人話知道女友想差不多28歲結婚,其實佢都想結婚,愈早結婚愈好,但佢能力實在有限。28歲前應該儲唔到首期，預佢一年6萬到，加上投資，28歲時先得42萬島，唔夠錢住
佢女朋友就哦左一聲。
個男仔繼續話「我覺得講左對你公平d，我唔想浪費你青春先同你講。成300萬層樓既首期…我唔似其他人咁，有父蔭，可以唔洗點儲錢都比到首期。而如果因為咁要分手，我都明白，鬼叫我冇本事咩…」

個女仔就話「好,分手啦」
個男仔就再追問「28歲係唔係真係咁重要? 其實可以先結婚後買樓喎… 我就住公屋都冇問題」，之後佢提及好似買大澳居屋咁都夠錢，只係介意交通問題姐...
個女仔答佢「好煩，唔想理.. 」
以前，個女仔曾經同過個男仔講:「你對我好好..我明知自己有咁多黑暗面.點解你仲可以包容到我…」
============================
其實依家香港社會太現實，好多錯誤既價值觀，搞到男女關係好畸形
男仔就覺得女仔貪錢，拜金，想不勞而獲，男既要求如果要男女平等，女既都應該負擔拍拖支出，一齊儲首期，一齊供樓
女仔就知道青春有限，講真，30歲都未結婚被稱為「剩女」，「中女」，「敗犬」，呢d全部都係你地男人既標籤。女人之所以恨嫁，都只不過因為介意你地既標籤，係無可厚非。人人都鐘意後生女，青春無敵，女人花費佢既青春陪你走過左年輕既日子，但到頭來未有名份就要比人標籤「剩女」… 香港女人被要求財政獨立，要照顧到自己，但太獨立又會比男人覺得「你仲需要我咩?」

今時今日既香港…性別分工唔明顯，冇徹底既男主外女主內，男女皆難以定位自己角色。
香港地，做男人又好做女人又好，想組織個安穩既家庭，實在唔易！

[圖擷取自網路，如有疑問請私訊]