(香港人最愛玩曖昧)~~ 曖昧時會出現的行為，如果你同佢做超過 6 樣你就得米啦

:0:0

sponsored 有人話，曖昧係明明咩嘢都無發生過，但你就咩都記得。每個人或者都會試過同人曖昧，呢種友達以上，戀人未滿嘅關係連愛因斯坦都未必諗得掂。單身嘅你，又係咪經常出現呢啲曖昧錯覺？閉起雙眼，你又諗起邊個？共用飲管喺一堆呃細路嘅大話當中，「錫錫之後就會有BB」都可以堪稱係經典。根據呢個理論，飲同一枝嘢之後就要做爹哋媽咪，好大責任㗎，間接錫錫喎咁大件事喎，仲唔係鍾意我？冷靜啲，其實係咁啱佢好頸渴啫。送你番屋企哇，一齊行番屋企咁浪漫？不過，你亦都唔可以排除佢送你番屋企只係因為順路，又或者係出於紳士風度。不過，人生已經如此艱難，有些事就不要拆穿啦。你凍唔凍呀？問得呢句，之後個劇本應該會有幾類動作戲。如果你話好凍，佢一係就拖住你隻手，跟手示埋愛。一係就請你食凍柑，你再回一句：「噫～好衰㗎！好凍呀！」之後繼續瘋狂曖昧。sponsored 睇恐怖片呢個活動嘅曖昧程度係因應參與者嘅細膽度而有所遞增。愈細膽就愈曖昧。哇，好驚呀！然後再匿埋喺對方嘅懷抱之中，咁就個幾鐘喇。

送聖誕卡其實，送聖誕卡本身好正常，不過如果對方自製聖誕卡比你就相當有嫌疑喇，入面隨時寫住啲隱藏嘅曖昧暗號。但如果對方係藝術天才，最鍾意自製賀卡，咁就另計啦，因為分分鐘佢其他朋友都收到呢類卡，最後仲會發現原來一套有四款……sponsored 煲電話粥曖昧嘅朋友都鍾意食宵夜，呢款宵夜就係電話粥喇。傾完仲唔夠，再用whatsapp傳多個表情符號加多句晚安先收工。黑眼圈自然成為曖昧活動嘅紀念品。一起撐傘正所謂，一起舉傘，一起的撐，一起儘管不安卻不孤單對嗎？同曖昧朋友一齊擔一把遮，風雨同路，而且嗰把仲要係傳說中嘅自私遮，真係要逼到好埋先可以濕少啲。呢個時候，佢望住你，你望住佢，然後又要起歌～

sponsored 交換食物初級曖昧類別。普通異性朋友都會有呢類等價交換，用腸仔換你塊餐肉，愈平等曖昧程度愈低。不適用於大食人士。合唱情歌中學時代嘅歌唱比賽為曖昧朋友提供大好機會，可以明目張膽咁向對方唱出愛意，完事之後又可以當咩都無發生過。如果你已經唔係學生嘅話，咁喺K房同異性對唱情歌都當你係啦。鬥嘴打情罵俏係最普遍嘅曖昧行為，互寸互窒係增進感情嘅方法，愈鬧愈甜蜜。以高音頻發出「好衰㗎你～」之後再輕揼對方，就係鬥氣冤家嘅典型劇情。注意：不適用於小氣及大力人士，因為會動真氣。