(本人真人真事) whatapp Emoji 新騙案出沒 !! 你地唔好中招~有圖

:0:0

注意！近年whatapp騙徒不單行使語言僞術，更利用emoji作為行騙工具，以下係粉菇讀者提供嘅真實個案：

第二日，即係原本可以瞓到自然醒果日，我七點半爬左起身，係十度既嚴寒之下，爬出被竇，喺趕唔切校巴嘅情況之下，我以九秒九嘅速度跑到去lectureroom。
八點五十七分。

趕得切。
當我簽完到坐低抖抖，順手打開facebook 嘅時候……
屌！條女upload 左張日出嘅相，仲tag 住「– 與Patrick Wong在一塊。感到幸福 ☺。」
我竟然付出我成星期最幸福嘅自然醒 moment去換幾個emoji。今次做兵真係好L蝕
因為類似個案越黎越普遍，粉菇請嚟以下幾位專家分析呢個個案，比尐建議我地呢位讀者。
犯罪心理學家：罪犯利用人嘅錯覺犯案，當目標收到呢尐七情上面嘅emoji時，會不自覺以為對方面上都有同樣嘅表情，以為收到嘅係真實嘅感受，冇諗到罪犯其實只係郁左一下指頭。正如有尐人皮笑肉不笑，emoji就係面具以外既再一層面具，令罪犯更易建立佢地既persona。所以建議一般人最好只信任相熟朋友嘅emoji。而更令人防不勝防嘅係，為左平衡受害心理，好多受害者都會不自覺變成同類型嘅騙徒，對其他無辜嘅人使用同樣手段。

人類學家：從面對面嘅説話，到電話對話，到文字簡訊，人類溝通所用嘅非文字資訊越來越少，而emoji嘅出現係用黎補充文字溝通嘅空白，但係亦有一尐問題。因為面對面的溝通，仲需要一定嘅演技同轉數，使用emoji就無需語氣表情，仲可以edit過先send出黎。由於表情同語氣嘅使用率大大下降，預計人類嘅非語言表達能力將會喺未來一百年會完全退化以及數位化。

經濟學家：emoji 係一種情感貨幣，但係實在太易偽冒。當你覺得袋左十個錫錫，實情係一個都冇，而只係十下手指抽筋。真假emoji其實冇咩辦法可以分到，所以我建議大家喺提供服務之前，諗下你係咪會喺唔收任何感情回報的情況之下仍然心甘命抵，當你嘅付出係一個sunkcost。
請各位粉菇讀者留意各式騙徒岀沒，如有發現，歡迎向我哋舉報，我哋會繼續搵嚟唔同嘅專家為大家分析個案。

[圖擷取自網路，如有疑問請私訊]