(戀童怪) 我係大角咀圖書館職員，圖書館經常有一個戀童既變態佬出沒...佢非常猥瑣

:0:0

sponsored (戀童怪) 我係大角咀圖書館職員，圖書館經常有一個戀童既變態佬出沒...佢非常猥瑣我係大角咀圖書館職員，想同大家講一件事，尤其是女性同有女孩子嘅家長，請各位留意：事緣今日2015年11月9日，時間大約下午6時左右，我響圖書館巡館，我同事同我講：「個變態佬又嚟左」，圖書館變態佬多人所共知，但呢條友係專偷望女生裙底，尤其是啲學生妹，仲要係小學生，即係戀童癖啲死變態佬。佢會踎響兒童圖書館啲書架中間，拎本書出嚟扮睇書，其實乘機昅野，佢唔係昅下就算，係踎響度一段時間望，我經過時已經怒啤佢，佢知我望佢，但佢就好得戚嘅樣笑笑口，之前佢都已經有嚟圖書館昅學生裙底，但好老實我地好難做到野(公事上)，只能夠同啲女生講自己小心酒光，但我今日同佢正面交鋒同佢講，警告佢再係咁的話我會以私人身分報警，但佢都係若無其事好得戚嘅樣sponsored 暫時經觀察佢係逢星期一下午約6點上圖書館，佢年約50歲，中等身材，留鬚，全身衣著係灰色(兩次都係)，波鞋，戴金絲眼鏡，有個黑色斜孭袋，面型修長，好易識別。呢個post係我以私人身分出，但我亦會留意住呢個死變態戀童癖，希望各位大角咀嘅街坊、媽媽、小朋友、響大角咀番工嘅朋友們留意，歡迎廣傳。

sponsored [第一次編輯於2015年11月10日]你話我違反職業操守又好、濫用職權又好、侵犯隱私都好，就算會被紀律處分都好我都唔會理，我就同呢啲死變態戀童癖過唔去，圖片所見條友踎響度昅，仲要個女學生走去邊佢跟去邊，雖然圖片顯示有限，但都希望各位大角咀嘅街坊、媽媽、小朋友、響大角咀番工嘅朋友們留意一下，呢種人絕對唔可以姑息。請大家廣傳或提醒身邊女性朋友、家長及小孩，感激不盡。[第二次編輯於2015年11月11日]今日下午15：15旺角特遣隊上左嚟圖書館搵我，問我關於嗰死變態戀童癖嘅事，好多謝各位街坊朋友，全靠大家廣傳嘅力量，在此感激，並希望早日拉左條猥瑣佬。[第三次編輯於2015年11月11日20：02]各位關心呢件嘅街坊朋友，基於政府部門啲所謂準則，我就算係個唔怕死嘅人都要刪除圖片，另外呢兩日有好多朋友加我FB，但唔識嗰啲我係唔會加，並非因為公眾壓力，希望各位明白sponsored 我只係做我覺得正義嘅事，唔明點解要考慮咁多因素，唔通真係要等到有受害者先至出手？咁受害者已經受到傷害，咁邊個去補救？

[圖擷取自網路，如有疑問請私訊]