我叫呀芝，係一間炸雞專賣店既經理！人人都叫我死肥芝！

:0:0

sponsored 細個果陣，人人都話我可愛，到今日我先發現，我係可憐無人愛，點解？因為我係一個85kg既死肥婆。本身我都唔會咁自卑，但有一日，我發現我既存在價值根本就係0，咁大個女一次拖都未拍過，我鐘意過好多人，但從來都無人鍾意我，從來都無。我試過好多次減肥，但都係唔成功，我認我無毅力，無心機減，抵受唔住美食既誘惑，所以越黎越肥⋯⋯去到依家85kg呢個體重⋯⋯

sponsored （有睇過我既post都知，我好撚憎死肥婆，所以依家寫個故仔，等大家可以清楚了解肥婆既心態，點解我會知咁多肥婆既野？因為我慘遭肥婆追過，身邊都有幾肥婆既存在，呢個故事既主角呀芝，係將所有肥婆性格結集於一身既終極大肥西。主角就係一個黑人憎既肥婆，希望大家唔好介意）今次以第一人稱去表達我對肥婆既憎恨，同埋點解肥婆咁黑人憎。

sponsored 我係呀芝，你地可以叫我死肥芝，反正我已經慣左啦哈哈哈⋯⋯「肥芝！生日快樂呀！」「多謝你。」「希望你今年減到肥啦！哈哈哈哈！」講野既係何家均，我地叫佢做均仔，佢係我地舖頭既pt小弟弟。聽到佢呢句，我真係忍唔住黑面，我肥關你地咩事？今日係我生日，點解要講埋d咁既野？你係咪on9？「屌，你唔係咁易嬲呀？」「無，你鐘意講咪講飽佢囉。」我拎住岩岩炸起既雞翼。

sponsored 今年我已經24歲，但我未拍過拖，我知我肥，但我唔明點解人地唔識欣賞我內在美？d男人剩係鐘意埋d空心美人，有咩用姐？我唔明白，明明我咁善良，點解無人發現我既好？「A餐可樂拎走。」係隔離舖既呀宇。我聽到呢把聲，所有唔開心都消失左，呀宇係隔離間電器舖做，佢眼大大，鼻高高，戴住黑框眼鏡，笑果陣仲有個酒粒仔，真係my cup of tea囉！「呀宇～收幾點呀？一齊食糖水啦～」「呃⋯⋯有邊個去？」呀宇偷偷地望左Ceci一眼均仔話：「我地全部都去呀！」多口！我啤左佢一眼「咁我都去啦，今晚見。」

sponsored Ceci呢條死八婆！本身呀宇對我真係好好，自從佢黎左之後，呀宇就好似比佢勾左魂咁！一睇就知佢發育不良啦！死狐狸精！成公司都知道我鐘意呀宇啦！唔知醜！「Ceci，你去換油。」我一定唔會比佢好過。「哦，知道啦～」佢好似若無其事咁，真係好討厭。好不容易咁挨到收工，我即刻化翻個妝，戴翻對大眼仔，著翻件小背心，突顯我豐滿既34E，再加翻條黑色透視裙，唔知呀宇中唔中意呢？係呢個時候，我見到Ceci放左頭髮，著左條粉紅色迷你裙，如果烏低身，真係乜都睇曬。「哇，你洗唔洗著到咁呀？做show咩？」我忍唔住話佢。「我⋯⋯」佢塊面紅到呢，一定比我講中啦。「Ceci，你今日⋯⋯好靚。」呀宇話。死八婆！我都話佢係狐狸精架啦！著到淫娃咁博咩姐？sponsored 成個夜晚，呀宇都係望住佢一個。我d同事都覺得氣氛好尷尬，但見我黑面，所以都唔好意思講d乜。Ceci ，我今次唔撚忍你，我要玩謝你！