上星期日，同女神去海洋公園玩過山車，女神真係嚇死我

:0:0

上星期日，第一次同女神去海洋公園玩過山車，女神真係嚇死我

sponsored 是咁的，話說放假打打下機見到女神Whatsapp我，話想去海洋公園玩，問我有冇興趣。我見個鐘都差唔多3點幾，呢個時間先去玩？作為毒撚嘅我，當然有自知自明嘅心，佢一定約埋其他人一齊去喇，但女神話：「如果你OK，咁就海洋公園門口等喇！記得準時呀～唔好要我一個等你咁耐！」「唔好要我一個等你咁耐」就係呢句已經知道呢個係上天賜比我一個好好嘅機會，而且我由細到大都未去過海洋公園......因為小弟兒時家境難以負擔昂貴票價，小學生作文題目遇到咩海洋公園一日遊時侯，都係老吹話咩過山車好撚好玩、海盜船好撚刺激呀等等，但其實自己一次都未玩過，諗起都覺得自己ＦＦ能力真係好強。就算大過咗生日唔洗錢又難夾到假期去，所以一直都無機會踏足海洋公園半步，而呢一次正正可以比到我同女神嘅『第一次』sponsored 踏入海洋公園呢個未知嘅世界，感覺無想像中多人，可能太遲入就嚟關場怪，而且個個都係講普通話，搵個香港人都難。女神比咗張地圖我，問我想玩咩，我望一望張地圖，我就即刻指住過山車好自豪咁講：「得返幾粒鐘玩，梗係玩過山車喇！！唔係唔玩呀！？」女神聽到後臉有難色，似乎對過山車有一種恐懼。但咁樣正合我意，我要喺女神面前扮演一個無畏無懼，第一次玩過山車都唔撚驚嘅真‧男人。於是我地就搭攬車上去，一落地，我地就狗衝去玩過山車喇，女神話第一次不如先玩動感快車，話比我適應下先喎!我話:「我行雷出世嘅！過山車有咩好驚？」但見女神盛意拳拳，我就當然聽佢話喇！一路排隊都見到玩過山車嘅人喺到大叫，我就笑鳩佢地有咩好叫，我就咁睇都見到無咩特別，就好似坐火車好快咁行之嘛！女神見我又興奮又淡定都好佩服我，話：「你咁勁嘅，未玩過都可以唔驚......我呢家好驚呀！」sponsored

我見女神咁淆底，就懶型咁話:「最需要恐懼嘅，係恐懼本身。」女神聽到後呆撚咗望住我，睇嚟一定覺得我好型。咁去到正式玩喇，睇住上一轉嘅人好快就玩完，我仲埋怨:「嚇!?咁撚快玩完嘅？計落１分鐘都無喎！」我地除哂啲物品就正式上車，我望一望女神，佢驚到閉上眼緊緊握住個扶手，我就笑佢：「喂！打開眼喇！有咩好驚呀！你睇下我！我完全唔洗捉個扶手！」我仲係咁鬆開女神隻手，佢係咁話唔好喇唔好喇! 呢刻好有情趣!sponsored 女神個樣全程都係符號樣當架車開始郁嘅時侯，腳踏板無咗，雙腳輕飄飄感覺好唔實在，不過都無咩好怕！架車慢慢駛出去，我仲喺到揮手大叫:「山頂嘅朋友你地好～～」突然，架車開始極速衝前，我始料未及嚇撚到仆街，嗰種衝力遠超我想像，嚇撚到捉住個扶手合埋對眼，但原來合埋眼係無用！嗰種離心力好撚恐怖！好似一野將你拋走同埋好想嘔嘅感覺，嘩屌你老母！原來咁撚恐怖！根本唔會有機會觀賞到周圍風景，全程都合埋眼被拆磨咁。好好彩，架車好快就到站，感覺好似過咗廿幾秒左右，我即刻扮到完全唔驚嘅，仲跳下車話：「妖！咁就完咗！都唔好玩嘅！下次我一路玩一路食杯麵Tim呀!」女神玩完後明顯靜咗好多，仲話：「點解要比錢買難受咁奇怪。」但佢見到我完全who fucking care嘅狀態，都佩服我原來真係唔驚!sponsored 我就食住個勢話:「嗱!我地一於玩瘋狂過山車！呢啲弱雞嘢唔岩我！」於是女神就帶我去玩正式瘋狂過山車。

沿途間，女神指住個H9區話想玩『飛天千秋』，當我地去之後見到舊野勁撚弱雞，純粹坐上去轉圈勁無聊。我就喺到恥笑仲唱埋歌：「海洋公園～轉圈轉圈哈姆共你～」但女神話呢個好有喺天空飛嘅感覺，雖然睇落真係唔刺激，但好想玩下感受下。咁我當然樂意陪佢喇，不過估唔到檔嘢弱雞到無咩人排隊玩，我仲同個控機職員講：「不如一陣可唔可以比我地玩耐啲？反正都無人排隊！」sponsored 控機職員見到都笑笑口話：「唔得咁架喎！」我話：「得喇！唔該你喇！」之後我就同女神入場。女神見到我咁識講嘢都即刻勁開心話多謝我，入到場內放低啲嘢，就坐咗上去，我仲喺到扮自己玩「鞦韆」咁，喺女神面前搖嚟搖去，仲話：「咁弱雞，我自己搖都好玩過佢！哈哈哈！」但部機開始郁時侯，慢慢升起，感覺都無咩特別，我仲想撞向女神想握佢手。突然間，我升到最高點，一野Ｆｉｎｇ我出去，雖然呢個無論衝力、速度、刺激度都遠比過山車低，但我喺完全無心理準備之下，咁樣一野放我出去，我嚇撚到仆街！頭汗手汗咩都出齊！我緊緊咁握住扶手，離心力將我恐懼提升到最高點，佢不斷原地轉嘅時侯，我頭都開始暈！！我開始知道自己頂唔順，我望住個控機職員然後好辛苦咁瘋狂作一個轉圈手勢，好似啲電視台圈人地快撚啲完咁。唔知係咪控機職員見我係咁轉圈以為我想繼續轉，部機一直都轉緊，仲耐過玩過山車屌你！sponsored

嗰刻好想唔理儀態面子問題大叫：「停呀仆街！停呀屌你！」轉咗唔知幾耐，終於停落嚟。我腳步浮浮咁行，感受到自己心臟好似承受唔到，頭暈暈成身都無力。女神見到，就問咩事？係咪唔舒服？我聽到後即刻重振雄風，大大力打開張地圖，充滿自信咁話：「不知幾精神！嚟喇！下個玩咩好？」sponsored 女神指住張地圖H11，笑說：「尼個丫！瘋狂過山車！我地唔係講好咗話要玩咩？」我緊緊咁握緊張地圖，沉思咗一陣，然後死死氣咁講然後死死氣咁講：「不如......不如......我地去睇水母丫!」雖然最後失哂霸氣同埋玩嘅時間好短，但我都好滿足呢次，而且走嗰陣仲可以同女神靜靜地坐攬車落返嚟，結束呢次驚險之旅。