[超勵志] 90後大學生燒焊 8萬開工場承接250萬工程生意

:0:0

「你識條鐵咩」這句高登潮語，別想拋窒周俊仁（Max），他確實識整鐵。今年大學畢業，同學到企業實習，他落地盤擔鐵，切渠角、製雲石架、搭工字台。20歲出頭已做外判商，承接政府、市建局工程，去年生意額達250萬元，紋身邊青、師傅大工都要跟他「搵食」。這名90後深信「工字冇出頭」，一張「沙紙」也不及一條鐵值錢，他說創業要趁早，不要怕蝕底，「有乜唔掂就重新嚟過」。
Max在上水開設工場，訪問當日，他拿起工具示範燒焊、磨鐵，有板有眼；還擔起兩條10餘呎長的方鐵，各重12公斤，來回拍攝都沒氣喘。記者試擔起一條鐵，未走半步已險失平衡。他笑說學師時，每天擔上80條鐵也是等閒，「家膊頭嘅肌肉死曬，搬到冇曬力」。他今年22歲，在浸會大學念工商管理，大學一年級時經世叔伯介紹入行做工程，由打雜做起，「搬搬抬抬乜都要做」。

背負大學生之名，落到地盤工作，惹來工人白眼，「睇唔起你，佢哋覺得做地盤多數都係冇學識、冇文化嘅人，你一個大學生入嚟想爭啲乜？」他說由細到大都不是讀書材料，「中三爭啲畀人踢出校」。會考16分，高考以1B1C成績升讀大學，「我都唔知點解，好彩啫」。未做地盤工前，他兼職送湯多年，「好少人工，但我鍾意自由，鍾意戶外工作，唔使困住」。

學師未夠一年，Max決定創業，「做得呢行都係諗住做老細，只係時間早定遲嘅問題」。他向家人借3萬元，連同積蓄約5萬元，開設工程公司當起外判商。行內慣性把工程判上判，創業初期，他只屬第五判，「壓榨到啱啱夠人工」。曾承接水務署的渠角工程，每工1,000元，但師傳人工已900元，「我仲要出工具，冇錢賺。後來自己落手，賺份人工」。
入世未深，他又承接了一項外判天花工程，對方只手畫圖則，他起初以為易做，詎料對方不斷修改，越做越複雜，「畀人裝咗個氹，蝕咗3、4萬」。事後回想，他坦言創業太急，蝕足半年。後來他改接公屋生意，又承接市建局工程，酒樓工程也照做，圍板、間牆，雖然價低，但「密食當三番」，「個工程可能只係2、3萬，但2、3日就可以完成，扣埋人工用料，可賺8,000蚊」。
創業時只得兩名員工，增至現時8人，其中3人是師傅，其餘都是90後的年輕人，部份更是邊青。「我鍾意請後生，好氣好力，又有競爭力，可以同公司一齊成長」。惟後生仔的通病是經常遲到，他把開工時間延遲半小時，又設勤工獎，並安排跟師傅工作，「師傅始終有經驗，做事都細心好多」。

除了做鐵，Max最近更承接泥水等工程，邊做邊學，目標做二判，承接大工程。今年畢業，他坦言大學「沙紙」是一張「入場券」，「就算失業都可以搵到工」。但他始終覺得「工字冇出頭」，也看好建造業前景，「就算經濟逆轉，始終要起樓，維修都要做，工程係冇得停，只係大定小」。
建造業總工會理事長周聯僑說，現時建造業正值小陽春，越趨蓬勃，留意到近年多了大學生入行，「有文化入呢行係著數」，尤其紮鐵等工種，只要肯學肯做，不會被人看低，「好多時大學生入行都係有抱負，佢哋識做、識寫，又識得英文，好快老闆就會起用你，如果有班兄弟撐你，咁就可以由五判、四判做起」。
做出口碑，Max由五判做到三判，去年生意額更達250萬元，其中一宗廟宇工程已逾百萬元。生意踏上軌道，但犧牲了時間和學業，「解圖、會計、翻譯、分工都係你，真係好睏身」。今年農曆新年才有時間跟家人外遊，但年卅晚收到二判來電，要急趕去解決工程問題，「點解我攞到咁大生意額，就係唔伯蝕底，有乜要即刻整，唔好問錢先，最後一定唔會被虧待」。

位於上水的工場佔地4,000平方呎，快將租約期滿，Max慨嘆租金貴難覓合適用地。