港大畢業生過野人生活：月入一萬其實好夠使。

:0:0

莫皓光，外號「野人」，三十四歲，港大教育系畢業生，本港生態導賞團體「自然脈絡」總幹事。野人生活，衣食住行有數得計：

sponsored 「衣，全部二手貨，好多衫都係啲大學學會衫，啲學生著一、兩次就唔要。」「食，身為素食者自家種菜夠我夏天八成食糧，冬天兩成，我又會盡量用柴火煮食。」

「住，我住元朗八鄉二百呎小屋，租金六千（我同老婆一人一半）、電費每月四十蚊，包括夏天開風扇、冬天開暖爐，仲有雪櫃，電腦上網和手提電話，我無電視機，我用山水唔洗交水費。至於屋企用品，我執人哋唔要嘅傢俬、廚具、日用品，清潔沖涼只用清水和環保酵素。」sponsored 「行，每個月大約四百八十元，有四日要返雞嶺村農場工作，乘巴士每日三十蚊。」

「計計埋埋，我一個人只需用四千幾蚊，每星期只工作三、四天，十幾年來無買過一件新衫，家中所有物品都是別人棄掉的二手貨，月入一萬，其實好夠使。」「我無俾家用，因為父母仍然有工作，無經濟壓力，而更多嘅錢唔能夠令佢哋開心。我寧願返少啲工，俾多啲時間陪佢哋，帶佢哋嚟嚇郊外，同佢哋傾多啲偈，而唔係用錢去滿足佢哋。我老婆『阿牛』同我係同道中人，當初一齊讀生態環境課程識嘅，我哋拍拖就係一齊打理農務，遊山玩水。」sponsored 撰文：關卓凌攝影：葉漢華

莫皓光，外號「野人」，十幾年前受一位環保老師啟發，零五年由公屋搬到郊區生活，每星期只工作三、四天，幾乎所有必需品都用二手，十幾年來無買過一件新衫。「父母好反對我咁做，成日叫我退休先過呢啲生活。話曬得我一粒仔，又供到我讀港大教育系，成績唔差但就唔去搵份「正常工」。sponsored 我就諗，既然我一畢業，就能夠過自己快樂嘅生活，點解一定要賺好多錢等退休？佢哋覺得我極端，但人類破壞大自然實在太過份，唔通你以為，每日將垃圾分類回收，就可以保護到環境？蹝氣啦。」「以前我同普通城市人一樣，鍾意打機睇電視，喺屋企嘆冷氣，一啲都唔鍾意親親大自然。自從零三年讀大學時遇上一位好老師，喺校外的生態環境課程認識，佢令我反省自己過往二十年，原來用錯咗方法生活，對呢個世界造成好多破壞，佢用身教展示俾我睇，乜嘢係啱嘅生活方式。之後我就無再買過衫，近年仲開墾屋外荒地種植，十年先去一次旅行，渡蜜月都只係去咗大澳三日兩夜。」「其實，唔一定要消費先解決到問題，但都市人就剩係識得買嘢減壓。動嚇腦筋學生活有時仲開心。例如我起初唔識燒柴，用咗兩個鍾先煲到一煲水，所以只係成功煲到水，都已經好開心。sponsored 住郊外好多問題都要親手解決：買料搭喉引山水自用、自製簡單隔沙系統清潔水源、用水泥修補被雨水沖爛咗嘅道路、改裝執返嚟嘅傢俬做檯和櫃、種艾草防蚊等等。」「自從搬離市區，我嘅鼻敏感完全好番曬，傷風感冒都少咗。平時會做嚇瑜伽、睇嚇書，無乜壓力。」採訪：關卓凌攝影：葉漢華本地生態導賞團體「自然脈絡」總幹事，34歲的莫皓光，過著野人生活超過10年；他從不介意人棄我取，衣服全部執二手，不少是大學生著一兩次就丟棄的，其後逐漸整理出，哪個垃圾堆有寶。「我從來唔介意人棄我取，執垃圾並無想像中咁慘，用二手嘢甚至更加有益，例如二手傢俬無甲醛、二手衫少啲出廠時嘅污染物等。執垃圾都要『知定』，大學生遷出宿舍時就去大學執、學期尾就去中學執、年尾就去垃圾站。」sponsored 「紀律部隊宿舍附近啲垃圾特別正，有九成新，我自己見得最多就是沙田紀律部隊宿舍，低能的，那些垃圾八、九成新，每天都有，日日都有家俬搬出來，九成幾新。而家淨係執番嚟嘅嘢都夠我用成世，或者分俾朋友，好似淨係餐具都夠三百人用。」撰文：關卓凌攝影：葉漢華

[圖擷取自網路，如有疑問請私訊]