前幾日無聊玩交友app遇到個極品人渣..成日都想要

:0:0

sponsored 見成日有sis話自己遇到極品賤男, 我又share下, 發生冇幾耐玩交友app識。(( 講賤又未至於10級賤, 不過真係好cheap ))簡單講下個男仔背景: ABC樣, 178cm, 私樓, 有車, 三大畢業, 大公司做有$途工種, 20+歲睇到以上呢D條件可能各位sis都覺得OK. 我知人一定有優、缺點, share出黎係希望女仔做個參考,小心揀男友, 男仔亦要引以為鑑。1)自私想法我有幾頂唔順呢個人? 我甚至問過佢之前D女朋友係咪主動同佢分手? 佢話唔係, 係佢自己主動提出。佢話鐘意自己思考段關係, 唔想再同個女仔一齊就直接講, 而個女仔只可以等待宣判, 仲話唔明點解D女人咁鐘意遇到問題大家攤出黎講.....(下?乜有問題唔係大家一齊討論？)sponsored

2)數落前度佢拍過三次拖, 第一次拍左4年因為女方唔肯XX而分手, 之後拍嗰兩次都係幾個月就散. 重點係我地對話中, 佢不停講ex壞話, 同我呻要送ex返屋企, 要幫ex 拎袋, ex唔肯AA制, ex要晚晚傾電話呢D野… 又話ex單親家庭點唔好, 點冇家教,唔識氹佢媽媽....sponsored 3)要求女方減至100磅見過面之後話我肥…因為我冇100磅...... 我聽到真係O 左咀, 我160+如果得100磅會唔會太瘦呀? 之後每一日都whatsapp問我今日有冇做運動, 今日幾多磅, 減肥減成點? 甚至一日問幾次。我表示佢成日咁介意我外表, 感覺唔太好, 但佢竟然話我咁做係提醒你, 鼓勵你......我心諗..... 4)溝通問題相處中,俾我感覺係佢初戀女友傷害過佢(或者係佢扮受害者都有可能), 以至唔肯再為一段關係付出。(當然亦可睇成係唔夠鐘意我) 例如成日話自己怕羞, 唔想同人講太多野....我理解,但點解又約我出黎? 第一次見面全程dead air, 但whatsapp又唔會, 之後我又犯賤見多次見面, 仍然dead air, 之後我冇再應約) 又話早知走左去掉低我喺餐廳呢D說話, 同埋超級口花, 之後又話故意hurt我先咁講。sponsored 5)非常自滿覺得3大畢業係天之驕子, 同得佢一齊係益左我… 經常話要D又叻又搵到錢又身材好又靚又性格好嘅女仔先襯得佢。(咁完美嘅女仔其實大把選擇, 點解要揀你??) 約我見面又話: 俾個機會你陪下我…(下??冇野呀?)我話我遲D去山上面睇日落, 佢話:你行去呀? 我聽日揸車去先~~ (總之就不停話自己有車點點點, 勁扮野....) 又會問我ex有冇車之類…6)打算搵女友做工人服侍父母經常提到女朋友係照顧佢家人, 同工人一樣, 呢D叫識做人, 唔只係食完飯執碗洗碗切生果買野呢D, 係抺野拖地等各樣都係女友做, 等父母可以嘆, 當然兩睇, 你可以話佢孝順, 咁就應該自己孝順,自己做返而唔係假手於人！氹下伯母呢D我明, 但只係女朋友咋已經打算洗到盡??sponsored

仲要..成日都想攪野..{ 後記 }我冇block到呢個男仔, 不過contact 已del, 曾經曖昧過但相處後始終有太多不能接受嘅缺點, 我呢度只係講左一部分, 仲有儲唔到錢, 飲酒飲天光嗰D廢事提。做朋友可以, 男朋友就免喇. 雖然唔認識佢班ex, 但真心替佢地高興離開呢個男人。sponsored 前前後後喺交友app約過10幾個男仔, 真係提醒各位sis, 我已經係揀D樣正常以上、傾過幾個月以上嘅男仔先約, 通常一開始傾傾下都冇乜嘢, 甚至會遇到好似以上呢個睇背景資料好似OK, 但傾落就發現呢D男仔通常有溝通問題, 連講野都一舊舊嘅，好似正常待人接物都唔識咁, 認識左佢地令我對交友app有保留, 或者咁講, 識到好仔機會好似比較低。

[圖擷取自網路，如有疑問請私訊]