「好大陣籮味傳入我鼻」16句小學雞必講說話　你細個實講過

:0:0

你記唔記得你細個講得最多嘅說話係咩?先生早?校長早?各位早?唔好扮嘢啦，小編同你講 ,根本大家嘅童年都係好邪惡，雖然未去到殺人放火，但係你每日應該講過無數次屎尿屁，你仲唔認，唔好同我講你冇講過下面呢堆兒童打油詩，唱過呢堆改編歌，如果唔係你童伴都幾坎坷！

1.xxx(人名)，渣飛機，跌落坑渠執玻璃，返到學校考第尾，返到屋企唔分氣，「Be Li 扮難」放臭屁，呀媽以為漏煤氣，原來係個衰仔/女放臭屁。
2.xxx(人名)未夠18歲, 學人參加遊擊隊，俾人炸到蔔蔔脆，瑪麗醫院唔救佢，救護車又車死佢，青山醫院醫死佢，耶穌為左紀念佢，搵條底褲笠住佢。

3.One More Two More，屎忽大個菠蘿，菠蘿似粒的，好似朱古力，食咗會生跡，屙屎一滴滴，以後唔敢食。
4.一落樓梯，二樓僕底，三個筋鬥，四肢殘廢，五個傷口，六塊膠布，七孔流血，八時死亡，九時出殯，十分抵死，恭喜恭喜！
5.雙層人肉巨無霸，曱甴老鼠夾青蛙，白粉煙仔加大麻，食你唔死笑哈哈。

6.肥佬肥騰騰，買舊燒肉去拜神，得到半路屎忽癢，番到屋企就死人。
7.查理斯王子，通街撩鼻屎，撩到5毫子，拎去買提子。食到屙爛屎，點知廁所冇廁紙，唯有用手指。

8.今天天氣beautiful，阿媽叫我買apple，點知去咗disco，見到幾個girl，生左幾隻animal，比呀媽打到under the table。
9.好大陣籮味傳入我鼻，傳入我的肺部然後臭死你。
10. 自從你阿媽過左新......加坡，你老豆就學人食煙......仔餅，跟住係天檯見你大家姐學人跳樓......腰舞，之後響廟街見到你個妹學人做雞......蛋仔，跟住又睇到你沖涼......茶飲，見到你大哥係度搞基......關槍，跟住你細佬學人玩大麻......繩，之後你二哥入廁所食屎...路比糖，跟住你三哥成日同二家姐上床...執被，你屋企就咁冇曬生命......麵包，最後成家就冇曬幸福......傷風素
11.《生日歌》

恭祝你生日撼穿個頭，慶賀你死埋老豆，年年都要乞食，歲歲都要楂兜，恭喜你，恭喜你～

12.《做個勇敢中國人》
做個勇敢中國難民，食錯奶粉打錯敵人，我為你犧牲，你為我抽筋，終於瓜老襯～

13.《公益金百萬行宣傳歌》
公益金，百萬行，摣支槍，去殺人，為了嗰兩蚊～

14.《小小姑娘》
聖誕老人，終生監禁，騎著鹿仔去殺人，看見靚妹剝曬衫褲，見到超人賣底褲

15.《英雄故事》
流鼻血，爛腳指，嚇死老媽子，人又老，又冇錢，生存沒意義，今日冇公廁，唯有喺街頭屙屎，聽日有公廁，唔記得帶廁紙，唯有用....手指!!

16.《Jingle Bells》
耶穌娶老婆，耶穌娶妾侍，耶穌差我三千蚊，家下仲未還，唏！利疊利，利疊利，認真和味，借借下，利疊利，三千變六皮！

[圖擷取自網路，如有疑問請私訊]