(真人真事) 話說今日約左個上網識既囡囡出街食飯，佢不停強調自己唔係港女..於是出到黎竟然咁...

出到街問佢想食咩，佢話咩都得，再強調自己咩都食，好易話為，不是港女一名。然後我就俾三間餐廳佢揀，佢再話隨便，你話事。咁我又完全不知她的喜好，所以就隨便選擇一間。結果佢全程黑面，自己玩電話，唔出聲，叫左但又唔係好食野咁。咁不是港女是什麼？仲有出黎見之前，成日不停強調出黎見之前佢話自己好憎港女又唔係冇錢，又要呃飲呃食，佢話自己外國返黎，外國男同女食飯aa 好正常,但今日食完飯佢又冇意慾拎銀包出黎都唔知佢想點....
 --------------------------
CASE 1 ：女：「去邊度食飯？」男：「下，唔知呀...你話事啦」男女都冇主見，但一般都只會批評個男既冇主見、唔識照顧女仔.....

CASE 2 ：男：「去成記食啦」女：「唔好」男：「咁新記啦」女：「唔好」男：「咁去邊呀」女：「唔知呀，是旦啦...」又或者女方肯去成記或新記，但食到鬼食泥咁聲話間野唔好，又係一般都只會話個男既錯，話佢唔了解女方
CASE 3 ：男：「去成記食啦」女：「唔好，去新記啦」最吊詭的情況，男女都有主見，但主見不同，男方如堅持成記，當然就係「大男人、死要話曬事，唔尊重女仔意見，冇瘋度唔讓女仔....」；但如遷就女方去新記，咁o係成日口口聲聲「最憎男人冇主見」既可愛女人面前，又成了甚麼東西？會否「犯」上「一意見唔同就成隻死狗咁，冇D主見，冇性格冇男子氣慨」？


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁