【屌啦星！】兩個月前，未婚妻俾Ex中出，宜家話有咗BB！！好撚掙扎。。。

:0:0

是咁的，我女友發現懷孕大肚，雖然自己好憎小朋友，但最終都接受，決定結婚。
【前言】我叫XX，有棟村屋，事業上軌道…

前日橫風橫雨同女友去完覆診，咁個醫生係我家庭醫生黎（女醫生），一向都搵開自己家庭醫生做body check ，由細睇到大都好熟，所以都似半個親人，而且我女友話想自己一個入去，醫生都話無問題，我就無理到由佢入去，如是者直到夜晚岩岩醫生就打黎同我講…
醫生：XX！你同你女友拍左幾耐？
我：3年啦，準備結婚架喇！咩事呢醫生？
醫生：無，琴日呢咪幫你女友驗身同檢查個胚胎，咁驗果時呢你女友就問左我一條問題。
我：問咩？
醫生：佢問而家得一個月可唔可以驗DNA，我就答盡可能都唔好，因為會傷到個胚胎，之後佢就好灰同埋叫我保密，我唔知咩事要咁問啦，但我都當你半個仔，我覺得要比你清楚，因為個小朋友你都有份，但佢咁問就比較奇怪…

我：……
我聽完個心寒左一寒…
今日佢同我阿媽行街食飯，我留自己係公司一條友冷靜緊…
到底我番去直接問佢定係照等埋果九個月先驗？到時又要點做好？好灰……
我都信個醫生無理由去呃我，始終猶如親人照顧左全家廿幾三十年
*****第二日*****
由於前一日訓好少又工作搞到個人無咩精神，食飯果時都特別靜，
咁我女友就好奇問：「如果太累不如我留起d飯送啦」
我就話唔洗，隔左陣我老媽話：「不如飲完d湯就訓多陣，見餓先再起身食啦」
佢咁講一講真係有d想好似小朋友咁飛撲埋去喊，我都堅持住話唔洗，咁就繼續食飯，我女友同老媽又係有講有笑，氣氛一般，只係少左我出聲咁解。

食完飯後都係睇電視，差唔多十二點度，我父母話夜喇要訓，就落番佢果層訓，戲玉就黎喇…
二樓係我父母住既地方，三樓就係我同我女友。父母番左落去一陣後我都同女友講唔好咁夜訓喇，點知tbb就播「回魂夜」，我女友好想睇埋先，
我就話：「而家有左小朋友，唔好太夜訓，咁對個胎唔好架…」
點知佢既反應令我呆撚左，由於父母係下層，接落黎既對話都幾大聲但唔會比父母聽到，以下用對話方式寫…
對話：
女友：關你咩事姐，睇埋先訓唔得咩？一晚半晚姐又唔係日日都係咁，唔洗管到咁呀？
我：。。。
女友：一晚半晚姐又唔係日日都係咁，唔洗管到咁呀？

我：我關心你咋喎，發咩脾氣？
女友：你問你自己啦，由酒樓到而家你發生咩事？
我：咩咩事？
女友：我直覺話我知你有野囉，係好有野囉！
我：ok，你要開門見山，我都同你開撚哂門見撚哂山！
女友面色變咗變。。
我：醫生琴日打黎同我講，話我半年前個body check 其實有樣野係private 左無直接講我知，我精子數量好少，要中寶既機會係好難，仲難過中六合彩，佢一直忍瞞係因為唔想傷害我自尊，原因係我捱夜捱到我身體差哂，既然我有咁既問題，點解仲會有bb？

女友：（佢啞撚左一陣）個天要你中就中架啦，機會微但唔代表無機會
我：六合彩唔撚見我中？？！？！？！
女友：咁你即係唔信我啦？（發癲）
我： ok，我打算將個婚期延遲，我想等個小朋友出世驗完先再結
女友：（癲哂）XX你咩意思？搞撚大左我個肚就唔要我？
我：你係唔係唔識聽中文？ok我再講多次，我將婚期推遲，驗完證實係我既我地照結婚，而且我會做你工人，任勞任怨不反悔，你叫我跪我就跪，叫我死我就去死！！
之後佢無出聲，只係不停咁喊，喊多兩喊佢就衝左入廁所，我講完成個人震哂，我知我講完真係無得番轉頭，如果真係我誤會佢，我就親手破壞左自己個家，我都係膽搏膽，佢入左去喊左唔知幾耐，電視都差唔多做完回魂夜，我用後備匙入去廁所，一開門佢喊到眼都腫哂，我有一刻真係心軟左，畢竟一齊三年我都無試過整到佢喊得咁勁，睇韓劇例外，

但我知唔可以心軟，佢本來坐係屎搭上面，見我開門就雙膝跪地，好撚響，好大力咁跪地然後求我原諒佢，我望住佢對腫哂既眼係咁搖我隻手叫我原諒佢，我本來好嬲，忽然變得好平靜，我扶起佢，洗好左條洗面巾幫佢抹眼淚，佢見我咁冷靜又再喊過，於是不停抹佢就不停喊叫我原諒佢，我叫左一聲「收聲」佢驚左一下，然後我拖佢隻手行番出廳，叫佢講咩事…
我：你可以慢慢講
女友：你可唔可以原諒我？
我：你講左成件事既始末先
女友：你可唔可以唔好飛我？求下你原諒我
我：我叫你講呀，唔講呀嘛？ok 你執野走（我起身）

佢又再跪住咁拉住我，然後佢話講講講…

女友：兩個月前去台灣果時發生既，我地都有一齊去蒲，然後我飲到好醉下，斷片咁濟，點知係我飲醉既時候佢見到佢ex，無聯絡好耐架喇，但真係咁岩見到，然後佢ex見到我咁醉於是幫我女友抬我上車送我番酒店，番到酒店放左我係床。。。

之後佢ex就話咁耐無見落下面7仔買支啤酒傾下計，之後傾傾下就搞左，佢無講得好details 因為佢估到我會爆seed，都怕我會發癲，我聽完之後我有一刻後悔我飲醉，我冷靜左一陣又認為我飲醉就代表佢可以同人撲野？屌啦星！
我聽完佢講我無出任何聲，佢不斷喊同求我原諒佢，佢話可以落左佢，問我可唔可以重頭黎過，
我無應佢，佢不斷喊，不斷求我，累左就攬住我唔放手咁訓係我大脾…
我望住佢我理性話我知無得原諒，感性果邊就同我講三年呀，三年感情就無左，我望住佢訓，訓幾個字又醒左又再求我，佢醒左之後我入左房，拎起左床頭果張合照，拎起個火機係佢面前燒左張相，然後答左句，你可以將d灰變番張相，我原諒你。
佢崩潰咁跪左係地下，郁都唔郁，之後佢累得濟訓左係地下，我抱左佢入房，
諗過分手，但我都怕佢會失控自殺，所以我都會睇住佢多一陣，
始終做錯左野唔代表不理人死活，我好感謝每位巴絲既分析同幫忙，小弟萬分感激，我遲d 逐一腸油比番大家，
我唔會自殺，各位巴絲可以放心，高登有愛係真的，雖然又護眼又話我假膠，點都好我真係無地方求助先出此一策，
都因為各位既力量令我可以搵出真相，多謝哂，請受小弟一拜

************
如今佢認左，我唔會比任何野，最多比時間佢平伏心情收拾包袱消失係我人生入面，但我都係…
唉，仲有之前夾好見證我求婚既朋友團，仲有親人家長…諗起已經頭都爆…
我坐撚左2粒鐘，我都冷靜唔到，唔通我自插幾刀叫佢救番我就原諒佢？
我果2粒鐘好撚辛苦，好撚掙扎，你又明唔明？你又理唔理解到？下？
（完）
**************
網友留言：
分你老母咩, 佢自己都爆撚嚮口話比EX中出, 就算真係自己個仔我都唔撚要 (你自己諗要唔要)
呢d咁既女人真係唔抵可憐,要死都死遠d,
仲要同番佢老豆老母講:
你個女呀, 水性楊花呀, 比帽我戴呀, 唔係要我娶呀麻

當然亦都要打比佢ex, 同佢講:
快撚d過黎執番條淫婦走
最後,由尻得條女自生自滅即可.
————————
樓主仲照顧條女?!?!
一陣搞到全世界人都覺得你錯呀
你照顧得佢耐,佢仲以為有機,分分鐘搞埋你屋企人呀傻仔
快快手斷覽啦,人地一問起,你只需要講"我戴綠帽,佢有左"
就全世界都唔怪你啦,仲同佢拉扯落去小心出事呀