奶油哥平民版》品性純良任人摸 Gordon曾被貓小偷睇中

:0:0

位於深水埗荔枝角道的「長豐書報社」面積不足60呎，不過都吸引唔少街坊專程去呢度買報紙、雜誌，原因咪就係書報社住咗一位懶洋洋嘅懶瞓貓Gordon囉。

sponsored

Gordon鍾意瞓住睇舖。對於Gordon咁受深水埗街坊歡迎，其主人，即報攤店主張女士及陳先生均表示始料不及，因為在幾年前初初將Gordon帶到書報攤時，只係為咗幫佢捉老鼠:「(有冇諗過佢咁受歡迎?)無冇喎，唔知道會咁，事頭婆(張女士)話想養貓，因為嗰時有賣蕃薯等農產品，驚啲老鼠食，所以就帶佢返嚟。」sponsored 二人表示在2011年11月委託朋友將當時快2歲、在工廠生活的Gordon送給自己，而在Gordon第一日到佢哋屋企時，已經唔需要用繩綁住佢:「唔使綁的(一返到家)，咁大嘅貓、歲幾2歲嘅貓唔使綁真係好少有，佢一返到嚟好似屋企咁，仲同屋企另一隻貓玩埋一齊。」瞓喺書報攤任人摸、有太陽就會走去巴士站前曬太陽，已經成為Gordon嘅標誌，亦係Gordon大受街坊歡迎的原因，不過都因為佢大受街坊歡迎，所以都成為賊仔嘅目標，老闆同《壹》仔講，話Gordon試過幾次差啲俾人捉走咗:「有一次一個女人嚟，上咗年紀，都四十幾五十歲過外，咁佢(Gordon)走咗出(書報攤)嚟，跟住(賊人)用貓貓糖哄佢，跟住整咗個箱、貓籠，放啲糧引佢食，(Gordon)一見到個貓籠，就(老闆用動作表示Gordon一嚇跳回書報攤住處)，即時第一時間走番返去，佢(Gordon)唔想俾佢捉，我哋影曬相，個cam影住，Gordon走返上去，佢哋(賊人)好唔忿氣，喺度等，仲打電話，我睇住佢打電話，叫多個女嘅嚟幫手，一直喺度等，等咗成2個鐘頭，都等唔到佢(Gordon)，先走。」sponsored 不過唔係隻隻貓都好似(Gordon)咁好彩，可以成功避開貓小偷，老闆另一隻喵星人就非常不幸，在書報攤被賊人捉走咗，到目前為止已經失蹤咗接近2年啦，搞到老闆娘呢2年嚟日日以淚洗面。撰文:嘿文攝影:王晴

[圖擷取自網路，如有疑問請私訊]