【衰ON9】一次賣二手車的慘痛經歷，唔落訂真係唔好俾人試

:0:0

話說近日賣車, 跟住隔左一陣有人打來話要試車,
約左去太古坊, OK我賣車當然我可以就地點時間啦,
一去到就有3個人, 其中一個係買家M, 另一個係佢朋友A,
揸住部銀色ALTEZZA, 再有一個朋友B都係幫眼睇車,
..

首先我未出去已經講好哂價錢, 咁買家話OK咁我當然出來啦,
既然價錢OK咁我俾佢個朋友B試車啦, 佢就試左去太古城,
不過個B朋友一CLICK就去左加減, 全程高轉, 但又唔識用加減咁,

佢之後話我部車幾好, 開哂車頭睇過, 佢都話只係小碰過,
..

其他消耗品換哂都買得過, 咁我當然覺得開心啦,
點知個揸部ALTEZZA 既朋友 A又話要試車,
我都覺得怪, 但係諗住是但啦, 既然你都有心買,
咁B就揸佢部ALTEZZA, A就同買家坐我部車啦,
..

A一上車就大大腳, 個天係落住毛毛雨,
上左東廊, 我心諗都大鑊, 又唔知試幾遠,
呢個唔係問題, 果個人係地板油果隻,
一上東廊入彎差D推頭, 真係X佢,
..

你玩車還玩車, 但係你係揸緊人地部車,
仲要落緊雨, 我頭輪車你用尾輪車揸法,
完全兩樣野, 一試試左去柴灣, 下車後話我部車幾好,
..

幾有力, 但係一定要換軚, 我心諗, 你地板油落雨揸到推頭,
真係講乜都得, 以後賣車我真係唔會俾人試,
好似被人輪自己部車咁...............

佢大壓價, 仲話要試多幾部, 就算佢之後打來OK, 我都唔會賣,最後我決定唔賣俾佢

来源：www.discuss.com.hk

[圖擷取自網路，如有疑問請私訊]