個人渣為左得到我個BB，不擇手段乜都做得出

:0:0

本人現在身心受創，希望高抬貴手唔好留言太過分，多謝，有D長
話說分手後有BB，後來打電話給前度吖媽，交代翻我同距仔拍拖既野，因為距仔送咗野比我，我比翻曬距仔，同埋分手那天講到我有B呢樣野，距個仔唔敢答我一不一起，當時唔確定真係有，要求我驗，礙於我唔想大家關係咁唔明確的樣子去驗，之後冇驗到，因為距答我唔到，現在大家的狀態是否繼續，唔係繼續的話我無謂驗比距睇，之後送我答車，之後半個月都對我不聞不問
前度吖媽比較信神佛，話去問神婆就知道我有冇，後來問咗話我有，之後就好積極打來話想約我媽距地出來飲茶傾婚事(我打電話比前度吖媽的時候係我同前度分手半個月後)之後就一直勸說我，話嫁比距個仔一定有兩餐飯比我食，又話收翻其中一層租出去既樓比我地住，又同我講對唔住，係距唔識教仔，總之咩好話都講，然後就踢距個仔來約我見面，問我距個仔有冇穩我

距個仔都聽曬距媽講，真係約我，好，我又睇下你地而家可以點，出到去，一味同我講其實之前都想同我復合，只不過怕於怕事，覺得我唔想，所以唔敢穩我，好想我比次機會距，全程想拉我手，來攬我，去睇戲既時候仲趁我唔注意錫我，吹我耳仔，當然我沒有順從曬，拖我手我都有fing甩距，我話我沒有原諒距
跟住第日開始回復發whatsapp喇，寶寶前寶寶後咁稱呼我，關心我，距媽就又打來叫我上去距屋企距煲花膠湯比我飲，兩個人開行turbo糖衣炮彈咁氹我
本人見事如此，真係覺得好得人驚，前度把口真係好鬼甜講真，不過好明顯距講既野係講大話，半個月都唔穩我都話距想復合，聽到真係得淡笑，現在咁假仁假義，我都唯有聽住先囖，我屋企人話叫我試距地，不如講你冇BB，一個月後至傾呢單野，睇距地點

如果一個月後人地唔穩你，都唔使恨喇
我同前度講，我唔知有冇B，如果有選擇唔要，咁點？距答我係距之前做錯事，願意承擔做錯事既後果，距話唔會嬲我(我冇確切講我會不會落，只是假設咁樣做)
我過兩日再打電話同距媽講，我月經來咗，多謝距媽為咗個責任傷神咁多，我話我父母想一個月後大家有緣分既再傾，跟手距媽點答我，距話既然我咁講，咁冇野了，距無話可說……嗯嗯…好好
打完比距媽之後，距個仔whatsapp立刻少咗回應，跟手仲好少復，然後話自己發燒，病到攤攤腰咁既聲音同我講野，我已經察覺到有野了，一定係距媽比咗指示距個仔做野喇，好了，跟手我發whatsapp比距問距好翻未，距直頭睇咗都唔復

再跟住過兩日我打電話比距，距直頭唔聽電話。呢個人，比個老母踢下郁下，而家距同距媽都以為我會去落仔
都唔關心下我既身體，就已經冇曬迴音喇…
發生係自己身上，先知而家呢個世界有咁現實既人，我好慶幸沒有聽距地甜言蜜語，而之後嫁比距的話，恐怕我以後生咗小朋友，分分鐘要仔唔要乸添，好慶幸聽取自己吖媽意見，一試便知龍與鳳，不過，我而家都唔好得去邊，真係好傷心，遇到咁既人渣中既人渣，仲要全家都係咁人渣
我媽話:啊女，呢個社會個個都係咁現實，唔好再活在別人甜言蜜語下死咗都唔知咩事，醒下喇，呢個男人，唔值得你留戀，吖媽唔要求你穩個有咁多樓有錢既男人，也都唔要求你穩個幾靚仔既…吖媽真係唔想妳以後獨守空房，每天抱住兩個仔係人地屋企喊…衰咗就衰咗，人地冇血性我早就睇得出，只不過你唔衰過唔跌痛過你唔知人地口面，人地為咗個肚而一起，以後沒有幸福可言的，作為你啊媽，我只想你穩個真正愛你，錫你，健健康康既，以後睇住你地兩個相親相愛，開開心心咁過日子，吖媽就滿足了……明白嗎乖女…

吖媽的真情剖白，令我痛哭不已…歇斯底里的喊喊…同埋喊…個心真係超級痛，因為真係中意過呢個人渣，之前距偽裝得太好，而家我好對不起我媽對不起我爸爸…每天失去翻工既動力，已經唔想做人了，人生咁大起大落，以為可以好好展開美好人妻生活，誰知這是我人生黑暗的開始…人生的一大污點
真的好想好想教訓呢個撲街人渣，又唔知可以點做，唉…

来源：ladies.discuss.com.hk

[圖擷取自網路，如有疑問請私訊]