自從開始玩Pokemon Go後，你有無發現呢個香港有 7樣野改變左

:0:0

玩咗幾日Pokemon Go，相信大家都掌握曬升Level策略，同喺邊到搵特別精靈，然後終於懂得欣賞無所不在的超音蝠。正當大家繼續做低頭族，社會卻出現兩種極端聲音，有人話呢個game浪費時間，似係畀比卡超玩多啲，不少家長更話驚影響仔女學業；另一邊廂，有人話呢個game有助搵返香港人情味，三五識七係街頭搭訕，團結程度好比黃傘活動，最重要係亦令港人行多咗路，跑多咗步(因為跑幾km可以孵蛋)，有益身心咁話。但點都好，Pokemon Go的確令香港產生不少社會現象，有辣有唔辣，除咗以下七點，你又發現到d咩呢？
1. 隨時得罪人
見到精靈，唔理三七廿一，行緊路都要突然剎停，無視後面路人撞埋嚟，亦唔理前面有幾多人湧緊嚟(尤其係返工時間)，總之懶理「摺摺」聲。
2. 巴士原來係咁快

好多人話，今個星期先發現巴士、小巴係咁快，明明經過見到比卡超都捉唔到，直頭想立即跳下車。
3. 電訊商最好賺
成件事最受惠的除咗係任天堂，仲有電訊商，今個月應該勁多人爆data，再加推埋個無限plan，就算之前諗過度過嘅算死草，都立即join。

4. 放誘餌吸客

有唔少商場同茶餐廳，專登係自己範圍發放Lure Module （小精靈誘餌機），吸引精靈繼而吸客，更有茶仔職員大叫舖頭入面有比卡超同車厘龜，意圖吸客，不過如果入到嚟無的話，又算唔算違反商品說明條列呢？
5. 促進親子溝通
兩代人一向無咩話題，但呢個老中青都啱玩嘅遊戲，絕對係增加溝通嘅橋樑，借問你有幾可同阿爸阿媽落公園散步？
6. 為咗Pokestop搬出城
樓房密度直接影響Pokestop數目，新界友屋企水靜河飛，市區友唔使出街都能一日升幾個level，身邊唔少朋友話要搬出城住。
7. 小姐以為我偷望佢
行街見到小精靈出現係小姐面前，拎住電話對住人地，有時唔知你係玩緊game，定係望緊女，畀人誤會都好正常。