零觀眾緣！最頂唔順邊位TVB女藝人？

:0:0

日前林海峰2016《是但噏廣東話》開show就串盡TVB，話而家有手機，就已經無睇TVB好耐！阿Jan你真系還是太年輕了，其實TVB仲有大把捧場客，老中青男女都有，而且除咗真心鍾意嘅忠實Fans之外，又要睇又要叼嘅人都唔少。不過，儘管你睇開TVB，都唔代表一定位位花旦合你眼緣，大家有見近年眾多劣評王就知啦！要數劣評王女藝人，今期最紅一定系呢3位，你又會揀邊位當選呢？sponsored 蔡思貝

今期劣行：炒車傷人一向無乜觀眾緣嘅蔡思貝，備受TVB力捧，但越捧，啲人就越踩，演技幼嫩同永遠得一種戲路。今期電視雖然未有佢住，但佢早前喺尖沙咀開車，轉彎時炒到另一架車，玻璃窗爆曬，搞到對方司機受傷送院，事後蔡思貝道曬歉認錯，話自己唔熟香港啲路同規則，仲慰問咗畀佢撞傷果位司機。不過始終都被指駕駛態度差同埋有前科喎。sponsored 吳若希

今期劣行：第三者迫婚同樣被受TVB力捧，基本包攬咗大半劇集主題曲，但偏偏被人評為「樣又唔得，唱又唔得，唔知做乜」。然而今期最紅莫過於佢放閃，話自己同澳門富二代Alex去到談婚論嫁階段，仲公開迫婚問人幾時娶佢，繼而被踢爆原來佢系第三者，搶人男友，然後再峰迴路轉，轉貼Alex自己寫嘅「悔過書」話只不過當前度系「雞」喎！（小編都出文講過《》）嘩，被人形容為極度匹配嘅「金童玉女」，好睇過TVB本身啲劇啦系嘛？sponsored 黃翠如

今期劣行：偽善粗口事件原本好哋哋嘅翠如BB，由於傻更更加上樣子標緻，都深得唔少人嘅歡心，雖然拍劇唔多，不過都叫做自然唔作狀。不過最近因為笑住口咁影「向前線消防員致敬」然後被劣評，甚至留粗口攻擊，換來翠如BB話「好驚粗口，接受唔到」，但又好衰唔衰，被人翻舊帳搵到佢當年曾經話過「人生有些時候，難免很想說髒話」，結果更加被插偽善、虛偽、雙重標準。sponsored 咦，好似漏咗阿邊個？雖然佢唔系今期「最紅」果個。系喇，系佢，籮霸條女～