被雙親遺棄眼濕濕講孤苦童年！！張穎康尋母30年！堅持不改名期待能相認

:0:0

《一屋老友記》“三寶”張颕康不論劇中同現實中都係廿四孝老公，絕對係好男人典範！不過，張颕康依家雖然事業及家庭兩得意，但係受訪時表示，小時候被雙親遺棄，缺乏父母愛，過著孤苦童年！
母出走父另娶
一向十分重視家庭慨34歲張颕康，雖然依家娶得又叻又靚太太麥雅緻，又有兩歲可愛女兒小豆，一家三口樂也融融！不過，每當提起童年往事，張颕康即變得木無表情，雙眼通紅，情緒快失控！原來張颕康4歲時，母親便離家出走，從此杳無音訊！到張颕康十歲時，父親返內地另娶妻，自此父子兩地相隔，甚少來往，關係變得疏離！他亦承認依家仍記掛住母親，就算入行後仍用真名，目的希望有朝母子相認！“三十年冇見，大家都失咗聯絡，我keep住用真名，因為只要佢在世的話，就會睇到我！”

被雙親遺棄後，張颕康由祖母照顧，性格開始變得內向，沉默寡言！張颕康表示，雖然阿媽出走三十年，但就算長大後，都冇搬離跟阿嫲同住慨屋，因為佢仍希望能同母親團聚！直至廿歲由於屋企太細，佢先唔情願遷出。“阿媽走慨時候我得4歲，當時系同阿嫲住，相信佢會記得阿嫲地址，但上年阿嫲過咗身。如佢想揾番我，可以去電視台。”

早結婚治傷口
因為自小被雙親遺棄，令張颕康內心深處留下不能磨滅慨傷痕！對於母親不顧而去，張颕康說：“我出世佢先得18歲，太后生。我係有嬲佢點解唔揾我，但同時間我好嬲自己，其實佢當日有拉我走，但我冇跟到，所以好矛盾。”由於童年完全缺乏愛，所以張颕康長大後，一直想盡快組織家庭，以彌補小時候慨遺憾！因此，就算2012年事業未有成，張颕康仍膽粗粗迎娶麥雅緻，而佢似乎冇受童年不快事影響，極之享受家庭生活，“依家自己有頭家，冇唔開心，老婆會安慰我，彌補咗我呢樣嘢。”而於2014年，麥雅緻更為佢誕下女兒小豆，張颕康亦好享受天倫樂，唔使開工便陪家人，入行十年更系零緋聞，簡直系絕種好男人！