柒味盡出!香港娛樂圈比網民「越反越紅」的明星,歌手...

:0:0

近期有高登巴打發帖題為：「大家點睇梁烈唯，唯唯？」此帖於2日內獲過萬負評，令唯唯刷新高登最快速獲最多負評的紀錄，累計更多達萬五個，成為新一代「負評王」。之但係，而家好多當紅藝人，曾經都係網民嘲笑對象，話唔定唯唯會係下一個愈笑愈紅男藝人呢！sponsored

小編覺得一定要預埋阿舜，佢2001年參加大台節目，因演唱《娃娃愛天下》時配扭腰騎呢舞姿，旋即於網絡爆紅，更被網民戲稱「娃娃舜」，從此絕跡江湖。14年後以蛇舞復出，其勇氣及對夢想嘅熱誠打動一眾網民，再次成為網絡紅人。

sponsored 王浩信Signal Wong 06年以歌手身份出道，但表現麻麻，約滿後轉投大台拍劇，一直擔演次要角色，但其後於《名媛望族》及《法外風雲》分別被劉松仁及謝雪心狂摑13及23巴掌，隨即獲網民封為「兜巴信」。前年獲大台頒發飛躍進步獎，喺剛播完嘅《樓奴》首次擔正。

張繼聰sponsored 婚後太太謝安琪事業如日中天，跑贏張生幾條街，跟手有雜誌報道指街坊以為佢哋一家姓謝，自此網民就以「謝生」之名嚟恥笑佢配唔起謝安琪。其後，聞說張生得到時任大台高層嘅陳志雲出手相助，09年起開始為大台主持節目，跟住拍劇，第一齣劇《老表，你好嘢！》反應好好，之後劇接劇，而家播緊嘅《收規華》就係佢首次擔正。人紅廣告自然多，又肌肉又補肝又貸款又Soy Joy大豆棒！

sponsored 李克勤自從05年向來港踢友誼賽的英超球隊曼聯送的禮物被當垃圾遺棄喺更衣室之後，網民就笑佢係「送禮勤」，仲炮製咗N咁多款改圖，而且一笑就笑足10年。笑還笑，克勤又同祖兒喺紅館開騷，佢早排上內地歌唱節目《蒙面歌王》，盛傳酬勞高達600萬人仔。真係笑多10年都無所謂啦！

林峯sponsored 自林峯獲大台力捧後就成為網民狙擊對象，被叫「Chok峯」已經好小事，最經典一定係10 年爆冷奪得「亞太區最受歡迎男歌星」獎，網民即時贈慶將「亞太區」重新定義為「亞皆老街至太子道西」。網民愈笑，大台愈愛，峯峯攞足三屆亞太區獎，12年仲憑《Chok》爆爆爆大冷拎埋金曲金獎。峯峯一直歌影視三棲發展，仲一早開拓埋內地市場，上年約滿大台後，全力北上掘金。

sponsored 阮民安Tommy仔近1年已經無乜聲氣，絕對稱唔上紅，之但係有咩衰得過俾人話係「樂壇小強」？所以要數網民嘲笑對象，一定唔可以無Tommy仔份！有關佢嘅負面事件多到唔知點寫，又爛賭、又醉駕、又賣假飛，俾網民笑足咁多年一定係會考超低分，而群情最洶湧就係死纏住韓星G-Dragon唔放！但正正係呢份對演藝事業永不放棄的精神，贏得「樂壇小強」美譽，而佢本人都好睇得開，仲趁勢推出單曲《踩唔死我》自嘲，配埋個惡搞G-Dragon單曲MV的「山寨MV」，人氣反彈咗一陣，都算紅過！

sponsored 周柏豪自從12年「玻璃杯潮文」一出，就殿定咗周柏豪喺網民心中「大文豪」的地位，當時仲有網民好有心咁用朗誦腔讀出潮文，兼錄埋短片公諸同好，時至今日柏豪破天荒成為香港首位代言M巾品牌的男藝人，網民仲寫咗個M巾版潮文，可見「玻璃杯潮文」幾咁深入民心。你愈笑，柏豪就愈吃得開，搭地鐵見到同王菀之新戲的宣傳片，夜晚扭開電視又總會見到佢幾次，睇完佢show肌肉，又睇佢跑步sell保險。

sponsored 謝霆鋒96年出道，形象反叛高傲，多次喺公開場合掟咪、掟吉他，行徑惹人反感，網民普遍認為佢得個樣，無料到，就連佢自己都話以前喺台上唱歌完全聽唔到自己唱乜，因為俾噓聲蓋過曬。02年「頂包案」，形象負面到貼地。之後霆鋒轉戰電影，瞓身拍打鬥戲搞到周身傷，但係有回報的，10及11年分別奪得香港金像獎最佳男配角及最佳男主角。又原來霆鋒秘密開設製作公司做老闆，仲搞得有聲有色，12年仲以企業創辦人身份到大學開talk，近年霆鋒形象彷如新一代成功男人的典範！

sponsored 陳偉霆「而我不知陳偉霆是誰」William於08年脫離組合Sun Boy』z作個人發展，因主打歌《Taxi》而被網民笑稱「的士陳」。其後因情敵黃曉明一句「而我不知陳偉霆是誰」，自此成為網民恥笑William的金句，更加係網絡經典潮語。香港發展非常一般，William轉投內地市場，去年憑《古劍奇譚》大師兄一角在內地極速爆紅，微博粉絲人數衝破600萬，去年收入高達2千3百萬人仔，首度打入福布斯中國名人榜第70位，跑贏女友蔡卓妍，今鋪真係吐氣揚眉！

sponsored 麥浚龍Juno 自03年出道就俾網民笑，笑佢靠父蔭買獎買fans，又將佢首歌《愛上殺手》，惡搞成《愛上隻狗》，其後牽涉樂壇賄賂案更加令佢形象插水，之後幾年好似做乜都錯，都會淪為網民笑柄，就連同鍾欣桐傳緋聞都被網民笑。其實Juno一直都好努力，有過《雌雄同體》及《弱水三千》等佳作，但星途未見起色。直至前年執導《殭屍》，叫好又叫座，終於一洗污名，網民開始認同佢嘅實力。今年初推出《羅生門》，連同《念念不忘》及十多年前舊作《耿耿於懷》組成痴情三部曲，雄霸YouTube 同iTunes，即時俾網民捧到好似上咗神檯咁！