2016年十大新MK仔女行為

:0:0

其實話人MK，絕對唔係貶義，而係一種獨有文化，MK仔女絕對可以為自己好MK而自豪。如果你一班朋友MK，你好難唔MK，但MK又唔代表你成日去MK，就算你喺外地，都一樣可以好MK。以前MK係染金毛古蠱仔，最新嘅MK係MK在骨子裏，就算你個樣唔MK，都唔代表你唔MK，睇嚇有冇中先。

一班朋友一種髮型
每一個時期都會興一種髮型，尤其係男性髮型，只要一興，通街都係。之前興兩邊剷青中間留長all back，前排興到o依家就係所有頭髮向前梳遮曬個額頭。其實咩髮型唔係重點，重點係MK仔們最愛係一班朋友一種髮型，實在有型。
-------------------------------------

除衫自拍合照
香港人人都鍾意自拍，但MK仔女特別鍾意，無論影食物影風景影人影事，都要將自己個頭放喺相片嘅某個角落。而MK仔最鍾意就係除衫露肌肉自拍，因為多數MK仔都係瘦削鋼條型，應該覺得要趁青春留倩影。
-------------------------------------
fb用外國人名
明明係香港人，唔用中文名都可以用英文名，亦都可以唔出個姓出嚟都冇所謂，但唔知點解要改個外國人姓？有啲扮日本人，有啲扮西人，你老竇見到，唔開心囉。
-------------------------------------
崇洋亂寫英文
MK文化其實建基於自信兩個字。嘩你外國返嚟中文唔係好好我唔怪你，你唔識打字英文又好好我都唔怪你，但你喺社交網絡狂打英文，但文法又錯生字又錯，以為同外國人溝通到就係英文5粒星，就唔係咁好啦。

-------------------------------------
鍾意男人嗜好
MK妹為咗表現自己與眾不同，成日掛喺口邊嘅係：「係呀，好多人都話我性格似男仔。」「係呀，我係冇乜所謂。」「係呀，我唔知得其他女仔。」咁當然要突顯自己有男人嗜好，例如睇波打機講粗口。
-------------------------------------
邊行邊食煙
其實香港都逐潮文明，有好多吸菸者都好自律，就算想喺街食煙，都會搵個地方企定定食。咁唔鍾意聞煙味嘅就會行遠啲啦。但有好多人，特別鍾意一路行一路食煙，咁全條街都係煙味喇。
-------------------------------------
大聲講粗口

講粗口，都要睇情況，三五知己打邊飲嘢講人是非夾雜粗口冇人難你，但喺人多擠迫又有女性喺度，就唔好咁大聲講粗口啦。
-------------------------------------
fb只有自拍大頭照
MK妹特別鍾意影大頭相，就係全幅相都俾佢個樣塞爆曬，如果你係劉心悠級數我唔怪你，但你唔係。而且最唔明係去旅行影相放上facebook都要咁大個頭？完全睇唔到後面啲景，其實你喺香港影都得啦。
-------------------------------------
最愛短褲拖鞋
除咗嚴寒嗰幾日，基本上長期短褲拖鞋，唔知以為你去咗泰國旅行。其實我唔明出街著番對鞋有幾咁難？同埋你屋企其實有冇長褲？
-------------------------------------

玩港/國產山寨電話遊戲
手機遊戲個個都會玩，有啲沉迷有啲得閒玩，沉迷嗰啲都可以沉迷日本遊戲。但偏偏，有一班人特別鍾意玩國產或港產山寨遊戲，仲要開聲。

[圖擷取自網路，如有疑問請私訊]