wechat約女屌，「順過你平時搭904過西隧」！！！

:0:0

小弟今年已經係第26年單身, 寂寞左咁耐, 就唯有靠啲app去解悶。
最近係玩wechat附近的人, shake下睇下有無正囡囡可以識(食)下, 等小弟可以得到多啲溫暖。。
果然皇天不負有心人, 係wechat度見到個profile pic好靚嘅女仔, 即刻狗衝去say個hi, 希望快啲有回應, 佢亦真係好快覆我,
正呀, 唔通天父真係做番10分鐘好人, 等我呢個無拍過拖嘅小毒男有番些微嘅女性緣!
我同佢嘅chit chat過程真係順利到我都估唔到, 我問1句, 佢答2句, 仲順過你平時搭904過西隧添呀!

識佢嗰日係星期四, 咁我見第2日係星期五, 我個心又雄左, 所咁就膽粗粗約佢出黎飲杯野, 同佢睇下有無午夜場或者下場啦,
點知佢又真係應承喎, 小弟渴望以久嘅溫暖, 似乎越黎越近喇!
咁耐無同女仔出街, 當然要著件戰衣, 噴下古龍水, set個all back頭出去迎戰。
約左佢8點鐘係尖沙咀香嬪大廈....對面嘅諾士佛台樓梯底等,
企左幾分鐘, 見到個著住黑色連身裙, 俗稱(摟X裙)嘅女仔行等我度, 我嘅自然反應就即刻抬起個頭, 望望係唔係佢先。
當我想開口問嘅時候, 佢就已經出聲話, "呀豪, 係唔係等左好耐呀? 過黎上面間酒吧度, 我啲朋友係曬嗰度呀~"
我當時第一個反應係, 有個靚女同我講野, 兼且仲叫我跟佢一齊, 點都跟左先嘅,

但係稍一回個神黎, 諗諗下唔對路喎, 今晚唔係我同佢一齊飲野直落嘅咩, 點解會有佢嘅朋友係度嘅...
行上樓梯嘅時侯, 佢行前我行後, 從後望住佢對黑絲腳加緊身裙, 真係叔叔不行了, 最想就即刻過下二人世界啦,
點解無啦啦會有佢嘅朋友係度架, 不過唔緊要, 或者大家飲完野, 都可以各有各嘅下文嘅。
我緊隨其後, 行左兩步就去到酒吧, 佢地一檯朋友真係坐曬係度。
雖然入面啲燈光有啲暗, 我都見到佢啲3個女仔朋友質素麻麻, 係坐最入嗰個男仔先叫做正常啲。
不過我唔理啦, 有得坐係我係wechat識到嗰條女(佢叫Cathy) 隔離就得, 今晚點都要mark實佢!
坐低叫左杯野飲之後, 諗住點都可以係言語上同呀Cathy互動下啦,

但係佢就一係自己玩wechat, 一係就同佢班姊妹傾埋啲女人計, 又話去而家Prada做特價,
又話去cosmetic central做facial, 跟住又話邊個韓星黎香港開演唱會...
講真, 我真係唔係好識呢啲野, 亦都唔想搭嗲, 我淨係想知今晚有咩野do!!

我的確有同佢地搭下嗲, 但係始終都唔識佢地啲話題, 坐坐下坐到有啲悶添! 心裡真係好想打岔同Cathy講,
今晚唔係應該淨係我同你嘅first date黎嘅咩, 點解會變左Kpop交流團架....不過我當然唔敢開口講啦。
我地係間bar度都坐左幾個鐘, 同Cathy嘅交流都係唔過10句, 更慘嘅就係佢地5個人不約而同都話聽日要番工, 係時候走喇。
我呢個時候真係好想好似打Rugby咁, 沖過去攔住佢, 等佢可以同我過二人世界,
不過係我腦海諗緊嘅時候點開口嘅時候, 佢地已經咩曬袋走人。
望住佢地離開時候個背影, 我到左呢個moment先發現之前嘅FF都係多餘嘅,
我原來只不過係一條水魚, 一條比佢地呃酒飲, 仲要我埋單嘅水魚!!

[圖擷取自網路，如有疑問請私訊]