搶人女友無難度？「派帽」專家教你撬牆腳

:0:0

其實每逢有一啲老公偷食小三、或者老婆搞婚外情之類的事件曝光，唔理係紅星名人或者普通市民，一律都會被網民口誅筆伐。但近日網上竟然瘋傳一篇文章，內容係教人點媾女，仲要係媾有男朋友的女仔！該位人兄就話自己最擅長令其他男仔戴綠帽，然後就詳細說明點樣將一個有男友的女仔搶到手！係咪有效小編就唔清楚，大家自己睇睇…… sponsored

呢個專家話最好玩就係「派帽」，意即專媾一啲有男朋友的女仔，令其他男仔戴綠帽，仲話自己一年都會派三至四頂帽。對象當然要揀過，就係目標對象的男朋友，要係純品乖仔又或者毒男 (但毒男哪有女呀你XX！)，因為如果對手都係高手就好難派到帽。如果確認咗個女仔的男友符合以上條件就可以去馬，首先認識個女仔，令對方記得你，而且要強調係純友誼，再講埋自己有鍾意的人，咁樣個女戒心自然會大大降低。但小編就覺得呢個步驟其實都唔容易……sponsored

當然唔係好似一般男仔咁不停Whatsapp對方又或者約對方出街，而係在FB狂post自己的生活照，當然要係飲飲食食或者shopping買衫呢類女仔有興趣的內容。而且最好係高級少少，例如食貴價日本嘢、買貴衫乜乜乜，千其唔好茶記食個豆腐火腩飯都post！咁當個女仔留意你的動態一至兩個星期，就會覺得認識你多咗。期間你可以間唔中同佢傾嚇偈，話自己睇完戲或者去完乜乜展覽，問佢有冇同男友去，總之要合多啲關於佢男朋友的事情。sponsored 如果真係乖仔或毒男，通時都唔會好有新意，同女朋友四圍去四圍玩。反之，要講多啲佢男友應該唔會同佢做嘅事，咁呢一兩個星期就成功令個女仔覺得你係一個Funny Guy，同佢男友有大對比！

派帽專家話緊記一定要假裝保持純友誼，唔好咁緊張個女仔，久唔久Whatsapp「已讀不回」都冇問題。之後就要旁敲側擊知道佢男友的放工時間，知道後就慢慢多啲同個女仔傾偈，仲要專登揀佢男友放工時間傾！傾咩好呢？主要係傾你心儀女仔的事(當然呢個女仔係可以唔存在的)，話因為佢都係女仔，比較清楚女仔想法，可以俾嚇意見。sponsored 呢個時候佢男友就會發現多咗同男仔傾偈，佢緊張女友，疑心漸大下就會多咗怨言。唔使擔心，之前一直努力保持的純友誼呢刻就會出現效果！如果對方男友話你係「狗公」，個女仔好有可能會幫你辯護，話只係普通朋友，又話你已經有心上人。但作為男友又點會相信，久而久之佢哋兩人的關係就會因你變差，個女仔自然會多咗同你傾佢同男朋友之間的問題。依家就可以無意中引導對方，諗嚇佢係咪同男友唔太適合。

sponsored 女仔好奇怪，成日諗諗嚇就會當係真，例如只要有人引導佢覺得鍾意一個人，個女仔諗諗嚇就會覺得自己係鍾意。只要繼續引導，個女仔慢慢都會搵到自己同男友唔夾的地方，愈諗就愈多，愈多就愈唔夾。去到最後階段，只要你同個女仔愈來愈friend，而佢同男友的關係只會愈來愈差，之後就好似射十二碼咁，睇你自己把握力……

[圖擷取自網路，如有疑問請私訊]