(突發) 吳若希突然自殺!! 仲講「我壓力好大，男友又搵返前度，仲話我係雞，我唔想做人」

:0:0

歌手吳若希(Jinny)最近曝光率奇高，可惜並唔係事事如意！首先佢在網上公開與男友Alex Ho的情侶裝合照，sweet爆公開戀情。本來件事係好值得高興，點知不久後Alex就被指疑似有位索爆正印女友Toby Sin，反而Jinny先係第三者！搞到Alex要急急出聲明否認。一波未平一波又起，Jinny近日竟被發現在網上爆粗、鬧爆網絡紅人司徒夾帶的短片，今日更聲言話想自殺！究竟發生咩事？事緣網絡紅人司徒夾帶上月在FB上載一條名為「娛樂圈的潛規則」的短片，片中司徒夾帶及Hunny分別扮演唱片公司老闆及歌手，諷刺娛樂圈中有所謂「潛規則」︰女藝人如果想上位，就少不免要與公司高層或富豪有不道德的交易。片中Hunny更搞笑地話自己唔想努力唱歌，只係想俾人包養，非常爆笑！

片段上載至今，唔少網民都留言大讚搞笑抵死，但昨日忽然有位吳小姐大唱反調，爆粗指司徒夾帶係「仆X」、「X樣」！呢位吳小姐奇怪地大吐苦水，話自己明明正當工作賺錢養家養自己、用自己錢租樓供車，從來無出賣過尊嚴；但係就俾人寫衰，當成事實。邊個咁勞氣？呢位帳戶名叫「Siu Bac Ng」，其實就係Jinny本人的私人帳戶！

今日Jinny再發文，話唔明白點解自己行得正企得正，但受傷的總係自己，之後仲留言話想自殺！嘩有咩事慢慢講，自殺係解決唔到問題！

Jinny早幾日先公開曬愛，點知不久後就被指為第三者，搞到男友Alex要在網上發聲明澄清。之後Alex的疑似舊愛Toby曝光，唔少網民都大讚佢樣靚身材正，話佢比Jinny更好！吳若希：「我壓力好大，男友又搵返前度，仲話我係雞，我唔想做人」

Jinny及後出席活動時，表示已經向男友了解事件，並指每個人都有過去，佢唔想再將件事無限放大。另外又強調自己唔係第三者，而且對男友絕對信任。

1992年出生的Jinny現年只係24歲，早年憑洗腦歌《越難越愛》冒起，依家都算係新一代的當紅藝人。話說佢以前生於大富之家，可惜後來家道中落，舉家移居香港後曾與家人同住在公屋。但出道幾年後，Jinny就忽然變得富貴，由住公屋變住在月租四萬的何文田豪宅，仲揸過Benz及保時捷等名車代步。

點解出道短短幾年就可以咁富貴？因為有指Jinny得到各方世叔伯照顧，與一啲年長有米男士關係密切，所以先能夠大富大貴。於是唔少人都認為Jinny暗中進行不道德的交易，仲叫佢做「樂壇KFC」… 可能因為長年被誤解，所以今次Jinny睇完司徒師傅段片先忍唔住對號入座，爆粗發洩！不過點都好啦，小編都要再三強調，自殺係解決唔到問題的...

[圖擷取自網路，如有疑問請私訊]