澳門的士佬：加錢就係澳氹大橋扔低你
加錢就係澳氹大橋扔低你 | 港女講旅行
![]()
sponsored 人人都話香港的士佬衰！計我話，澳門的一樣衰！港女我上次去澳門三日兩夜，就遇到無數極品的士佬（都有遇到好的大叔），但衰的真係衰到爆炸啊，勁想數爆他們！
![]()
01 | 原來夜更有額外收費？ 回程乘的士由銀河去外港碼頭。誰知才去到一半，的士司機可能見我們只有三個女仔，突然話過了晚上六時有額外收費，額外多收$50！傻的嗎！老娘聽都沒有聽過，當然立即跟他吵！不過他一句：「小姐，這個是澳門行規！不接受可以即刻下車！」嚇，車己經去到大橋一半，居然叫我下車！加上又要趕搭船，又沒有時間報警，最後只能焗俾！sponsored
![]()
02 | 揀客掩尖乞人憎 跟香港的士一樣揀客！不過香港的不喜歡接到過海客，澳門就相反，由路氹過澳門至受歡迎，賺得多嘛。天時暑熱，當然不想由酒店行去官也街，阿司機全程面燶燶，最後找幾元都說沒有散銀！算！最慘係遇到拒載司機，在大馬路想去阿婆井，兩個都話太隔涉唔去，仲有一個話唔識路！大哥，澳門很大嗎？sponsored
![]()
03 | 來去無蹤鬼的士 留意過，澳門的士是有（隱藏版）指定路線，只會出現在酒店、官也街和大馬路一帶旅遊區。遠少少去到紅街市，就好像整個城市都沒有的士！我等了半小時都見唔到一架的士！你明不明白一個遊客不認路，又沒有買上網卡的痛苦啊！最後要邊截車邊行，行到去大馬路才有車。
![]()
sponsored 唉！其實澳門的士難截都絕非這一兩日的事，雖則上年已經有Uber，但試過下單沒有回應。再加上幾間賭場車免費接載服務已經取消，要消費先有得坐，以後過大海唯有做定功課搭巴士啦。
[圖擷取自網路，如有疑問請私訊]
 | 喜歡這篇嗎？快分享吧！ |
前一頁
後一頁
