2016 香港奇案!!! 金融才俊運麵粉當K仔, 被判監35個月

:0:0

只有中一學歷, 現年28歲從事倫敦金經紀嘅被告人丘欣桓, 今年2月24日晚上被巡警截查, 搜獲一包333克重嘅白色粉末.丘欣桓被捕後供出果包係K仔, 用咗$16,000同明叔買, 諗住自己食同開P時招呼朋友用... 咁警察就依法起訴佢販運毒品罪!!但爆笑嘅事發生了... 上庭前包粉循例都要拎去化驗... 點知化驗結果係包粉無任何毒品, 甚至連受管制藥物嘅成份都無... 係小小都無!! 一d 都無!!!因為丘欣桓認咗罪, 所以就算果包係麵粉, 都可以照告販毒罪. 而且法官質疑被告誠信, 認為被告是意圖轉售"毒品", 只是巧合被騙搜不到毒品, 所以重判35個月監.法官話：「倫敦金騙案就多, 正當職業無咩聽過.」「一日食二、三十克, 食死咗啦！除非佢一路食開果d全部都係假啦！」

帶包合法嘅粉坐監3年... 係咪好柒呢?

倫敦金從業員聲稱不時購買毒品，今年初他在寓所下遭巡警截查，發現他身懷一包白色粉末，他警誡下承認是K仔。惟化驗後發現粉末內無任何毒品或受管制毒藥成份。從業員昨在區院承認準備販運他相信為危險藥物的物質罪，法官得悉他曾向警員稱日服20至30克所謂K毒後笑言：「一日食20至30克，食死咗啦！天方夜譚！除非佢一路食開嗰啲全部都係假啦！」

記者：楊家樂控方透露28歲被告丘欣桓有三次案底，均與毒品無關，但他案發前剛因盜竊及誤導警員被判緩刑。控方指被告教育程度只得中一，曾任跟車工人，其後任倫敦金從業員。法官李運騰聞言問：「佢係正當定係唔正當嘅從業員？倫敦金呢個詞好敏感。」惟控方稱被告無提供資料。官指控罪少見押後判案發於今年2月24日晚上，有警員巡經將軍澳明德邨明覺樓地下，見被告形跡可疑遂截查，在其斜揹袋搜出密實袋，內有白色粉末疑似毒品，遂拘捕他。警誡下被告稱粉末是俗稱「K仔」的氯胺酮，是他向「明叔」以16,000元購入。惟根據政府化驗師分析，發現該包淨重333克的粉末不含毒品或第一部毒藥。毒品專家指若按照當時氯胺酮的平均黑市價計算，該批粉末市值應為4萬多元。由於被告管有他相信為危險藥物的物質，以作出販運或目的是販運，因此被控。

辯方求情時坦言，「如果佢（警誡下）唔講嘢就好喇」，他希望法庭考慮被告事後和盤托出，並供出向他出售毒品人士的詳細資料，惟因對方使用「太空卡」，警方未能追查。辯方續稱被告生活放任，但毒品只作自用及「開P（派對）」招呼朋友，不涉金錢交易，亦非一般販毒案「啲毒品分成一包包」。法官指控罪較少見，押後至今日判刑。案件主管徐嘉駿庭外透露，涉案粉末與K毒甚似，惟政府化驗所只能查驗涉案粉末是否毒品。

[圖擷取自網路，如有疑問請私訊]