香港勁揪，神人級lego大師整左隻lego海盜船

:0:0

LEGO Idea畀玩家將自己嘅設計變成現實，玩家將自己嘅設計放上網畀全球LEGO愛好者投票，如果限時內有足夠票數，LEGO經審核及改動後就會將推出市場，變成正式產品。最近筆者發現一位本地LEGO迷將個好正嘅設計放咗上LEGO Idea，值得各位玩具玩家支持！記得LEGO曾推出摩天輪套裝，只須輕輕改裝就可以自行轉動，非常吸引，首批水貨到港時炒貴足足一倍。最近有位本港LEGO迷兼巴打Ken設計出可動機動海盜船，放上LEGO Idea畀大家投票，只要夠一萬票就會俾LEGO審批。話就話Ken係巴打實有分加，但海盜船本身先係重點，於是筆者冒住被起底嘅危險，親身去訪問Ken同睇實物。原來Ken玩LEGO嘅日子唔長，大約只有半年，但呢隻海盜船已經係佢第二次遞交上去嘅設計。 sponsored

◆ 阿Ken同佢親自設計嘅LEGO海盜船。

sponsored ◆ 後面機動組設計成一間屋仔咁。

◆ 船上面啲玩家表情豐富！

sponsored ◆ 售票處有咁多人嘅？

◆ 最奇係佢側邊仲有間賣熱狗嘅舖仔，諗住啲人玩完嘔完會想食嘢？ **由於現場光線關係，部份相片由Ken放上嘅LEGO Idea頁面擷取，如大家想再睇真啲亦可以上去佢另一個相簿睇睇。「我之前設計咗架火車放上去，但最後冇乜人理，所以我把心一橫設計個更勁嘅出嚟，結果砌咗呢隻海盜船。」筆者未問Ken就主動講，可見佢心裡面團火燒得幾咁旺盛。細問之下原來阿Ken只係愛上咗LEGO半年，早期因為本身鍾意火車但有感LEGO嘅火車都唔太仔細，所以設計咗架非常精細嘅火車放上去LEGO Idea，可惜呢架火車最後並未得到世界各LEGO Fans嘅青睞。原本筆者以為可以設計出呢隻可動嘅海盜船，Ken嘅工作一定同工程有關，但原來佢嘅工作同埋大學所修嘅科目都同工程方面風馬牛不相及，加上Ken只係玩咗LEGO咁短時間，令筆者佩服。sponsored 海盜船造得非常精細，但代價係要用多好多粒件，難免會令船身增重，所以海盜船郁起嚟間唔中有啲唔暢順，而且兩邊搖得唔太夠高，但係喺冇專用組件嘅前提下設計出嚟，加上只用咗LEGO原裝最細果隻摩打，做到呢個效果已非常難得。除咗機動部份，成套海盜船設計亦見細心，配合「海盜船」而沿用咗「海盜」為設計主題，船上玩家嘅趣怪表情有刻意選擇過，而售票處、機動室及動力組件都有真實地重現，LEGO迷一定會一見傾心。如果大家同筆者一樣覺得隻海盜船好正，就唔好吝嗇你手上一票喇！只要到以下連結，登記個LEGO ID就可以投到，希望下年見到呢隻海盜船有得賣啦。sponsored

[圖擷取自網路，如有疑問請私訊]