老闆畀老婆打到要休養　大埔街坊齊齊留言

sponsored 【又幾玩得】老闆畀老婆打到要休養 大埔街坊齊齊留言通常啲舖頭仔想休息，都係喺門口貼張「東主有喜，休息一天」就算，都唔會話明係咩喜事嘅～不過呢間舖頭個老闆就夠曬老竇喇，大大隻字寫明全體員工一齊叫鴨……食喎！圖片來源：李永／紅磡人 紅磡事有得一齊叫鴨，都算係一單喜事呀！不過大埔呢個牛肉麵檔老闆就慘豬囉，人休息佢休息，佢就係因為畀老婆打到要休養呀！sponsored 圖片來源：Hikaru Holy Cheung／Tai Po 大埔雖然老闆講到要休養，好似好大劑咁，但係佢仲可以喺舖頭門口貼到幾塊留言板畀一場嚟到嘅客仔留字畀佢，睇怕應該都唔係重傷嘅！兩公婆床頭打交，情趣嚟嘅～情趣嚟嘅！sponsored 圖片來源：Cindy Ho／Tai Po 大埔啲留言板仲分好曬類㗎，有「私（斯）文人留言區」、「囉囉嗦嗦留言區」、「嫌三嫌四留言區」、「林雪粗口留言區」同「鄭中基粗口留言區」呀，真係有辣有唔辣，想點揀都得呀！不過毛毛最like都係左上個「無端端留言區」呀，你睇真啲，係有個L字㗎……sponsored 圖片來源：Cindy Ho／Tai Po 大埔有咁多個留言區，估唔到最多街坊寫字嘅係「問候老闆留言區」同「遠道而來空肚而回留言區」啵！老闆好返之後睇到，一定好開心啫！其實舖頭休息嘅時候咁樣擺幾個版同班街坊互動下，都幾好玩幾有人情味呀～唔知如果毛毛要休養，大家又會留言喺邊區呢？九成都係粗口區mix問候毛毛留言區……


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁