無線熱播劇《一屋老友記》集驚嚇與爆笑於一身易服癖鬼上身冇難度歐陽震華好戲到爆

:0:0

炎熱慨夏日又嚟，除咗“食軟雪糕雪糕雪糕”消暑之外，當然要睇嚇鬼等自己“透心涼”喇。無線熱播劇《一屋老友記》集驚嚇與爆笑於一身，有收視福將歐陽震華（Bobby）坐陣，加上兩個“老鬼”胡楓及羅蘭慨搞笑演出，難怪廣受好評，仲牽起煲劇熱潮，真係睇少集都唔得！而被搶鏡慨Bobby，呢幾集終於反擊大放笑彈，唔單止扮鬼上身，仲著上女裝，場面爆笑，唔少網友仲話笑到標曬眼水添！
網民睇到個心離一離
劇中講到Bobby發現胡定欣身後有隻女鬼（麥皓兒飾）跟住，面無血色慨女鬼突然轉身，一臉猙獰咁望住Bobby，嚇到佢反曬白眼，睇到呢幕慨網友都話本身個心離一離，兼且忍唔住大叫，但下一秒見到Bobby反白眼又笑爆肚，真係嚇餐死又笑死！之後，Bobby扮曬冇事咁繼續做自己嘢，但女鬼跟到實一實，Bobby即時變到苦瓜乾口面，被女鬼笑佢系豬腩肉都冇得出聲反駁，認真“慘慘豬”！

Bobby被讚搞笑能手

提到最爆笑一幕，梗系Bobby扮女鬼上身，展現無敵喜感。佢為咗幫女鬼攞番心儀慨手袋，不惜扮鬼上身嚇人，入曬戲慨佢仲用高八度又陰森慨聲線講嘢，加上蘭花手，令原本恐怖慨一幕都變得爆笑。演喜劇有一手慨Bobby，搞笑功力點止咁少，之後講到貪戀名牌慨女鬼見到名牌衫同手袋就“心心眼”，但佢接觸唔到凡間的物件，惟有叫Bobby著曬上身當自己著咗，而為圓女鬼心願慨Bobby乖乖就範，仲攞住手袋擺曬甫士，十足十女士們攞住心儀手袋勁興奮慨表現，相當好戲！點知被呂慧儀撞破咗呢一幕，仲誤會佢系“易服癖”添，連“易服癖”都肯扮咁大犧牲，一班觀眾自然睇得開心，大贊Bobby系搞笑能手！
網民有話兒：
FAFAXXX：真係好睇，個個都演得好好，做女鬼慨麥皓兒都幾好戲，有幾幕真係嚇親我。

XXXcobi_W：女鬼出場真係嚇到我大叫，但下一秒見到Bobby勁驚個樣又笑到標眼水！

GladysXXXX：Bobby真係好好戲，扮鬼上身，驚到反白眼都好好笑。
MOLLYXXXUN：我平時睇戲唔識笑，睇歐陽震華竟然笑左（咗）出嚟，因為佢真係演得太好笑。