10大消失了的香港連鎖食店你記得幾多間？

:0:0

提到大家最掛住嘅一間餐廳，唔少嘅網友都會選擇美國嘅連鎖快餐店哈迪斯。但係其實除左呢間薯圈、西部牛仔飯都超級令人回味嘅快餐店之外，我地香港到目前為止有邊10家餐廳係最令人懷念，或者係你仲記得佢地曾經存在嘅呢？sponsored 不如小編就帶你睇下我地香港昔日10家非常出名，人人都識嘅食店啦！10. 烤雞大王烤雞大王？年紀輕嘅或者真係聽都未聽過架！原來喺80年代前某大美國品牌抵港之前，香港本地其實係有一間專食雞嘅快餐店，當中最出名嘅菜式就係香噴噴嘅燒雞。而且想當年，就連華仔都曾經幫佢賣過廣告添呀！所以話佢真係重出名過K_C呀！sponsored 9. 東東雲吞面講到做雲吞麵都可以做到有連鎖店而且超級出名，近年就有「方向記」啦！但其實早喺80年代，東東雲吞麵就曾經做到相當有規模，仲勁到可以喺電視台賣埋廣告吸客。但可惜嘅係喺00年左右，東東雲吞麵就已經因為水準下降等因素下相繼結業喇！sponsored 8. 農場餐廳仲記得喺90年代嘅時候，一講到港式西餐廳就會諗起超級經典嘅農場餐廳，因為佢啲餐多數都係抵食夾大件，非常適合一家大細去食。雖然農場餐廳喺高峰期嘅時候分店多達50家，但由於遇上左97金融風暴，最終餐廳就喺老闆破產之後全線結業。sponsored 7. 金龍船金龍船主打嘅就係手工點心、西餅，但亦都係呢個原因，佢地嘅食品都係較為高昂，並唔係一般市民大眾經常購買嘅一個品牌。亦由於價錢偏貴，因此當遇上03年沙士嘅時候佢地就首當其衝，最終都逃唔過結業嘅命運。sponsored 6. 雅香園24小時營業快餐店？你講麥_勞？唔係啦！回想喺70年代，以港式快餐作為招徠嘅雅香園已經快人一步，推出24小時營業時間服務大家。雖然當時雅香園好想以中式快餐喺眾多食肆突圍，但可惜餐廳環境欠佳，最終佢地都無奈結業喇！sponsored 5. 出奇老鼠又有得食又有得玩喎！當年有邊個小朋友唔想去出奇老鼠呀！唔想去就真係超級出奇喇！除左有室內遊樂場吸引小朋友之外，出奇老鼠嘅pizza都係深得大人小朋友歡迎！雖然係咁但經過時間嘅洗滌之後，出奇老鼠最後都撤資離開香港市場，並且由歡樂天地取代左佢原有嘅位置。sponsored 4. 馬里奧餐廳用得「馬里奧」呢個名，當然就係義大利餐廳啦！就算你未食過佢地嘅野食，你都一定會記得自己細個嗰時一見到個廣告，就會彈起扮義大利人講「Mamma Mia！」。至於馬里奧餐廳最終點解會消失呢？有說佢地係因為另一pizza餐廳開始興起，所以就喺同行互相競爭之下倒閉喇！sponsored 3. Wendy"sWendy"s最好食係乜野？當然係佢嘅薯條！而且除左佢地嘅薯條之外，Wendy"s logo上面個紅色頭髮妹妹更加係家傳戶曉，真係發夢都記得佢個樣呀！記得又點丫～Wendy"s最後都係因為鬥唔過另一家現在仍然存在嘅快餐店而喺06年撤出左香港喇！sponsored 2. 陽光一代回想起小學時代，陽光一代曾經係小編超想食嘅午餐，一見到同學打開佢地個陽光午餐就好羨慕，好想掉走自己屋企準備個飯盒。陽光一代而家已經轉型，想回味嘅或者可以試下「波仔叮叮」系列啦！sponsored 1. 哈迪斯排名第一仲唔係哈迪斯？一定係佢哈迪斯啦！薯圈、西部牛仔飯、蘑菇飯，一聽到就流曬口水喇！但無辦法啦因為租金同經營權問題，香港哈迪斯已經喺06年消失，要食或者最近要去其他東南亞國家先有得食喇！

[圖擷取自網路，如有疑問請私訊]