有無人間公司好似我公司咁刻薄? 我想告佢

:0:0

sponsored 最近中肯HR大改制，真係改到嚴重剝削員工福利，做到都唔想繼續做，淨係識日日卒數，早D收工(已經OT)就好似死罪咁。日日唔係入呢個廢表就入果個廢表，TELLER又要CS又要，今日開卒數會，聽日開營運會，痴痴地，你估真係賣身咩，冇屋企返架......1. 星期一至五原本放工17︰50，不嬲18︰30先開始計OT，咁多年都係咁都冇所謂。依家一至五OT O到幾點都冇得Claim，得閘門兩條友有得Claim，原因係咩，咪就係話我地工作能力唔夠，CS平時接客接到收工，放工先可以執文件，咪係我地能力低要做咁夜，冇得Claim。Checker 日常要拉Key做哂打雜野，一個人做幾個人野，咪係我地做得慢，冇得Claim。同街外人講就講到我冇話唔俾你claim，你唔claim之ma，你唔諗下你講到咁邊條友夠膽claim呀﹗sponsored 2. 星期六仲衰，改左咩輪值安排。頂佢個肺，做左N咁多年，不嬲都係五天工作，星期六係加班，由8︰50計到收工打卡走人。HR冇啦啦話我地咁多年都理解錯，要出文解釋返清楚。星期六隻係由8︰50計到13︰00 (240Mins)，連個10mins都呃，話平時返工480mins所以星期六半日係240mins。銀行13︰00先閘門，咁係咪有客都唔駛做埋、咩文件都唔理，錢唔駛入倉即刻走得先﹗仲要好似平日咁去到14：30先開始計OT，真係多謝哂，仲同你做到咁晏？﹗Lunch時間都蝕俾你。你要剝削改野咪正正經經講，仲要屈我地一直以來都搞錯，咁我地駛唔駛多謝返你咁多年ga委屈，還返俾你呀？

sponsored 3. 以前OT都可以出下錢，感覺上都開心D，咪當辛苦D返多份Part Time。依家硬性規定冇錢出，只可以放假補休。大佬你估返工冇野做架，Sales放假冇數又俾你卒，同事放假D野係咪唔駛做先，咪返工同事頂埋，咪又係要OT，又去返第一點冇得Claim。呢d咪係惡性循環，咪係壓榨剝削囉。講咩自己係上市公司、有社會責任，廢話﹗骨子裡對同事超級刻薄，上面大粒個d淨係識做yes man，聽到d唔合理都唔會為我地發聲，淨係識壓返落黎，呢d良心企業真係搵鬼做，辭職﹗sponsored

[圖擷取自網路，如有疑問請私訊]