樣靚身材正！點解你會冇人追？

有冇試過行喺條街見到醜女都有位「正常」男人拖住果陣，內心喺度嗌「why why tell me why」？嗱，恭喜你！證明你系恨拍拖嘅。

但問題就嚟了，照異性相吸定律，點解仲喺冇人追？學人哋話齋，冇檳榔嚼唔出汁，以下9點就系你冇男人埋身嘅原因！

有冇發現身邊有唔少異性，都鍾意約你食飯睇戲，但系偏偏冇人追你？皆因佢哋都當你系兄弟。想桃花開，仲喺應該收斂下豪氣嘅一面，放低啤酒，改飲香檳，間唔中溫柔啲講嘢，必有仔仔埋身。



或者你以為追問系互動嘅一部分，但系成日問點解嘅、點解嘅……除非你好似糖妹咁得意，如果唔系只會變成吳若希，話曬男人最驚就系俾女人問嚟問去。護膚要less is more，男女之間嘅溝通都系啊。

若然問你系咪貪錢，一定擰頭。如果問擇偶條件，系咪最好有車有樓，應該獲得不少姊妹嘅認同。


呢個世代有樓系基本嘅人生追求，但系太明目張膽咁追求另一半擁有經濟基礎，無疑會被標籤成貪錢。慾望系個無底洞，一諗到要幫你找埋啲卡數，男仔好難say yes啫。

傻氣系好，如果你系阿智孝姐姐嘅話。做人唔好太低B，除非你真系。有陣時要扮下傻，等啲男人叻番一次；有陣時常識呢家嘢，就唔好扮傻豬喇，譬如扮唔識搭車……


男人都驚俾自己man嘅女人，呢度話嘅唔系外表，而系個性。

無論你成身肌肉定系贅肉，只要講嘢輕柔，依然仲系個「女人」；講嘢霸道、舉止霸氣，言談間不留餘地，Sorry，男人只會當你系「人」咯。女人，仲系要學下咋嬌先至會好命。


了解自己系好事，但系有時太過肯定自己就會變成壞事。唔少女性朋友有明確嘅擇偶對象，目標要等到「Mr.Right」為止，唔肯退而求其次，或者唔俾自己同人哋發展嘅機會。結果……你明嘅喇。

有要求固然合理，凡事都不滿意，成日發出啲負能量，只會好趕客。開心嘅樣，幾時都咁加分。

提醒異性天凍著多啲衫系啱嘅，但系成日講就會變得好長氣。屋企都已經有一個老母，點解仲要去出邊搵多個老母咧？


單身無罪，不過成班姊妹都單身就要小心喇。氣場呢家嘢好邪，都好科學。當彼此習慣單身生活，睇戲食飯都是以姐妹為單位，同聲同氣仇視男人，老姑婆格就系咁形成架喇。



来源：mp.weixin.qq.com



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁