支竹火腩飯，男人的浪漫！

:0:0

我每食完一碟支竹火腩飯之後都會同我女朋友講分手
因為我知道，佢已經唔再明白我
佢唔知道我喺茶餐廳所經歷過嘅有幾多
佢問我食乜，我真系唔想答佢
日本野？秦國野？真系膚淺
究竟我仲可以繼續忍受自己嘅伴侶將D生嘅肉放入口
每舊火腩都經過紅紅烈火，百度高溫
系經過歷煉，系經過漫長嘅試煉
每一舊都有佢嘅歷史，佢嘅故事
魚生究竟有D乜？根本就好似D幼稚女仔咁，一無所知，戇鳩鳩，生勾勾
我恨我嘅人生唔可以好似火腩咁
搵到咁多好嘅伴侶，豆腐，涼瓜，冬瓜，枝竹…各有特色
亦搵唔到咁多知音人
有時侯，我自己一個坐喺茶餐廳食火腩飯

我覺得自己系孤獨，我覺得呢個世界系冇人明白我
我叫左枝青島，我望住杯入面黃色嘅啤酒
我望唔透，我望唔清究竟呢個世界仲有幾多野我系掌握到
我好迷茫
我離開間茶餐廳，我俾錢嘅時侯發覺有個OL食緊支竹火腩飯
我望住佢，佢望住我
我地互相點點頭
我好感動，原來呢個世界仲有人系同我有相同嘅諗法
我忍住淚水
走出茶餐廳，點起支煙
頭都冇回就走返屋企
或者個OL會問，點解我放棄呢一段咁難得嘅姻緣
我唔知道
喺呢一刻
我覺得我系一個浪子……

来源：mp.weixin.qq.com

[圖擷取自網路，如有疑問請私訊]