有個女仔成日昅我...代表咩?

:0:0

3月13號晚，女性友人約我去Mk飲野，話有朋友生日，佢極力推介過有好多女介紹比我識，基於人類既野性本能Ok…我去，咁我就去啦，當時有2女1男同我一齊向呢個地方進發，去到比錢入場350一位，諗住個場個幾靚應該幾好玩，一入到房見到10幾個30幾40歲既叔叔同20尾到35左右既姐姐，我已經心知不妙，不過我發現到一個年青既女子，我同約我來既2女1男玩緊既時候，我發現果個女仔望住左我，個眼神接觸左2秒就斷開左，因為其中一個女性朋友叫我同佢影相，

自拍左幾張之後都覺得效果麻麻地，於是我就叫頭先同我有視線接觸果個女仔，問佢可唔可以幫我地影張相，個女仔出奇地興奮，話無問題，唔滿意影到滿意為止，當時我心入面有一個疑問，到底一個乜野女仔可以熱心到呢個程度，幫人會幫得咁開心，我只諗到兩件事，第一佢係一個騙子，第二佢係一個天真無邪又善良既人，由於小弟一向都偏愛心地善良既人間清泉，所以面前呢個女人勾起左我既好奇心，到底係咪真清泉。

之後我問佢叫咩名，佢話叫Fit"ty，佢無話我知點串，所以我只能夠付上拼音，我問完佢叫咩名之後我再問佢做咩工作，佢答我佢做社區中心…嘩，原來係社區中心，一聽到呢4個字，我內心抖擻左一下就馬上認定此等清泉我一定要追到手，所以我就成晚都好留意佢，但係佢成晚都比5到8個男人圍住，我跟本就無從入手，最後呢一晚短暫既愛情就隨住夜場既打烊而消失得無影無蹤，如果各位師兄識呢位清泉既下落，麻煩通知下。

来源：ladies.discuss.com.hk

[圖擷取自網路，如有疑問請私訊]