女追男，隔層紗？咪傻啦！

轉眼又過埋3月14白色情人節。雖然傳統上白色情人節系俾男仔回禮表心意，但依家都冇乜人分得咁清楚，反正節日就系一個藉口俾大家約自己嘅心儀對像，不論男女。
 

 
但唔知點解到依家都仲有女仔覺得由自己主動約男仔會好唐突，仲系覺得約會同追求應該都系男性做主動。但有一個point你要記住：對人有意思嘅系你，心思思想同佢去街嘅都系你，鐘意人就應該有行動而唔系白白流走個機會，呢一點女性朋友們都要記住。
 

 
喺依家乜都有人講求男女平等嘅社會之下，追求呢回事其實男同女都可以做主動。只要遇到一個你認為適合嘅人就應該去馬，唔好等到冇左先至後悔，呢個道理講到口臭，但仲系有人唔明。又要鐘意人，但又要人做主動。難聽啲講句，咁樣同又要做雞又要立貞節牌坊冇乜分別。
 

 
當然，有人話女追男隔層紗，但我就絕對唔信呢樣嘢嘅。男仔唔一定系有女溝佢就一定肯，男仔一樣會睇自己對個女仔有冇好感，雖然實有人會系「煮到埋嚟就食」，但呢一類人其實男女都有。
 

 
不過女追男就算唔系冇難度都好，最起碼唔會比男追女更難先就一定嘅。冇邊個男仔會討厭有女仔主動搵自己，亦冇邊個男仔覺得女仔約自己會系有陰謀，就算唔系對你好有好感，只要時間就到而你又唔系令人討厭，我諗九成男仔都樂意應約。
 

 
我明白俾男仔追果種Feel好多女仔都好享受，但萬一先動心果個系你自己，儘早將佢據為己有先系你應該做嘅事。一段甜蜜嘅關係先系你嘅目標，唔好為左一時三刻所謂嘅面子而放棄一個自己鐘意嘅人，唔抵。
 

 
其實女仔追男仔果陣會擔心嘅事，所有追過女仔嘅男仔一樣有驚過，但每日咪一樣有無數男仔為咗心儀女仔而放手一搏？所有嘅「我驚」、「我驚」、「我覺得」都只系你俾自己逃避嘅理由。
 

 
唔好再驚，鼓起勇氣約自己鐘意嘅男仔，即管大大方方咁同佢講一句「我鐘意你」。
 

女追男又點嘖？你再一直扮斯文的話，話唔埋你就會從此孤獨終老。
 
 

（本文乃網路轉載分享，內容僅供參考用，並不代表任何立場，如有不妥或侵權，請來信反應，我們會盡速處理與撤除。）
文章來源：www.post01.com


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁