點解女朋友咁想知你前度慨事？！

被女朋友問前度慨事，系步向仆街慨開始…
「吖～系呢～你同前度系點識？」Mary裝作若無其事咁樣問阿強，呢個絕對系一個陷阱嚟！
「唔、唔、唔記得啦，我而家個腦得你一個。」阿強咦咦哦哦咁回答。
「邊有可能完全唔記得啊？定系你唔肯講啊？」Mary放低部手機。
「咁佢系同事，之後食飯…之後一齊咯…」
「佢咩樣架？」Mary乘勝追擊。
「同你差唔多，眼大大，得得意意咁…」
緊接住落嚟，仲有其他更加精密問題，阿強唔明白究竟Mary知嚟有乜幫助。
佢凈系知如果唔答，個頭肯定會同個身體分離講byebye。


「咁你覺得佢靚定我靚？鍾意邊個多啲？」Mary真系想阿強仆街。
「無得比啦大佬！你壓倒勝啊！」
「咁你又一齊？！」
「未遇到你嘛大佬…未食過板長壽司咪會覺得禾綠好食咯。」
「算你啦～」Mary終於都笑返！

每個女仔都一樣咁執著於男朋友慨前度，要多角度分析，再同自己進行一次大比拼先至安落慨…
若果你女朋友咁樣問你，千祈唔好厭煩。佢咁執著，只系想自己再做好啲！


因為每個女仔，除咗想自己做你慨最後一個，亦要求自己做咁多個入面慨冠軍！
「吖～系呢～」Mary好似醒起有啲嘢未問。
「咩、咩、咩事？」阿強聽見之後個心一寒…
「點解你記得咁清楚慨？！」
「……」
阿強，今次你仲唔仆街…




[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁