【忍無可忍！】屋企有個變態阿嫂！（極品中的極品）！！

:0:0

唉，其實阿嫂對岳父母家無咁上心都好正常，但呢個阿嫂真係世界級，我真係搵唔到一樣野可以讚佢。自從她嫁入我地屋企後，我地就無日安寧。
我地屋企有三兄妹，我做最細，有個家姐，最大就係阿哥。阿哥怕老婆就算啦，仲要縱容個老婆返屋企發癲。

發癲事件（實在太多，不能盡錄）
1. 新年長輩派利是，她話我阿媽要俾埋她隻狗，因為她當隻狗係家人。（關我X事！）

2. 打去俾我阿媽話我地從來唔讚她靚，仲喊曬話我地唔尊重你。（咁都可以怨，同埋你副尊容⋯）
3. 她們一個月人工合共有成3萬幾。生BB前，她們就每個月俾2000家用都算，生完BB後就乾脆一蚊都唔俾（你無睇錯），仲要我阿媽幫手揍。雖然奶粉同紙尿片的費用都係他們負責，但其他洗費就老馮要我地俾。
4. 她之前幫我搵咗份工，我係真心感激她的。我一個月人工先得2萬，我用咗6千蚊請她們一家食咗餐勁的，諗住好好多謝她。點知食完後，她話：餐飯幾多錢都好，你一世都欠我㗎！（洗唔洗咁樣？）
仲有好多，不過要講就講到下年都未完。但今次真係好嬲，其實係夾埋有幾件事搞到爆煲。
事緣今年她又生咗，阿嫂就請咗個印尼姐姐，想幫手揍bb，點知個工人就做咗導火線。

個工人十級懶惰，要我阿媽煮埋同遞埋俾她食，一叫她做家務就抱住個bb，會幫阿嫂手睇下我地每日行程/做咩、講咩，然後報告返俾阿嫂聽。如果做錯事話她，她就勁黑面，然後就打電話向阿嫂扮可憐，喊曬話我地要求高，好辛苦，但事實係她一日咩都唔洗做，飯係我地煮好俾她，一點家務她都無做（係洗隻碗都無），我地仲請她食了幾次buffet，都洗了成千蚊係她度。有日真係好攰，就叫她自己整lunch食，然後個電飯煲起火。事後我阿媽勁嬲，就打去俾阿嫂話叫她唔好俾個工人搞自己d電器，廢事會出事。
點知個工人又做戲，喊曬話我地挑剔她，再係咁就要辭工。然後我阿嫂就打電話罵我阿媽，話我阿媽份人挑剔，因住罵走個工人就死，仲話個工人日日都話好多家務做，好攰。我地真係o曬咀，因為阿嫂竟然去信個工人都唔信我地，仲罵得好難聽。
阿嫂仲話我阿媽搶住揍她的大仔，所以搞到她有抑鬱症！而事實係她當年新手唔識揍，結果未滿月就入院，她就話想我阿媽熟手可以揍好d，宜家就話係我阿媽搶了她個仔，仲搞到她有情緒病！咩玩法呀？一句說話就抹煞曬我阿媽d功勞！初生bb有幾難揍大家都知，為咗揍返好粒孫，我阿媽日日煲呢樣，煲歌樣，又無得訓先揍返好個bb，宜家就俾呢位極品踩到一文不值！仲要俾個工人姐姐玩翻轉頭，唉！

********
有網友留言：
「我亞嫂都係痴線女人一個,每次食飯都發脾四,唔係鬧亞仔就鬧我哥!
總之面色難睇到極,少少野都睇唔過眼一日喺度鬧鬧鬧,我怕我哥屈到精神病!」

[圖擷取自網路，如有疑問請私訊]